Frjáls verslun - 01.11.2010, Blaðsíða 32

32 F R J Á L S V E R S L U N • 1 1 . T B L . 2 0 1 0
Valdimar hefur verið framkvæmdastjóri Kjöríss síðustu sextán árin.
Guðrún, sem tók tímabundið við fyrirtækinu eftir andlát föður þeirra,
hefur sömuleiðis verið viðloðandi fyrirtækið um árabil; sem mark aðs­
stjóri síðustu fjögur árin.
Það fer vel á með okkur í fundarherbergi fyrirtækisins við Austurmörk
í Hveragerði.
Raunar eru systkinin fjögur, Valdimar, Guðrún, Aldís og Sigurbjörg. Þau
eiga fyrirtækið ásamt móður sinni, Laufeyju, og föðurbróður, Guð mundi
Kristinssyni. Þau sitja öll í stjórn nema Valdimar. Í stjórn Kjöríss sitja því
fjórar konur og einn karlmaður.
Aldís er bæjarstjóri í Hveragerði og Sigurbjörg kennari. Öll búa syst k­
inin í Hveragerði, steinsnar frá móður sinni. Um þetta segja Guðrún
og Valdimar brosandi: „Við þykjum skrýtin.“
Guðrún bætir því við að þau systkinin hafi þótt óvenjuleg fyrir þær sakir
að þau hafi ekki rifist. „Hugsanlega liggur gæfan í því að það er alltaf ein
systir í húsinu í einu,“ segir Guðrún og hlær. „Valdi segist aðeins þrífast ef
það er ein systir með í rekstrinum.“
Kjörís er farsæll matvælaframleiðandi sem hefur haldið tryggð við sína
heima sveit og byggt reksturinn á ráðdeild og sparnaði. Það er sá arfur sem
við fengum frá foreldrum okkar, segja þau systkini, Valdimar og Guðrún.
Fyrir þá sem þekkja ekki til staðhátta ætti að vera auðvelt að finna
fyrir tækið, skiltið út við bæjarmörkin er kostað af Kjörís sem og reyndar
margt annað í Hveragerði. Nú, svo er staðsetning ekki til að villa um fyrir
fólki, nánast í miðju bæjarins. „Jú, sjálfsagt er hægt að byggja meira hér ef
verkast vill,“ svarar Valdimar.
Ostagerð markaði upphafið
Víkjum aðeins að upphafinu. Stofnendur Kjöríss voru Gylfi og Bragi
Hin rikssynir ásamt Hafsteini, Guðmundi og Sigfúsi Kristins sonum.
Frum kvöðlar að stofnun Kjöríss voru Hafsteinn, mjólkur tækni fræð­
ingur, og Gylfi, véltæknifræðingur.
Hafsteinn hafði starfað hjá Búnaðarsambandi Íslands og Osta­ og
smjörsölunni áður en hann stofnaði Ostagerðina hf. í Hveragerði 1966
sem hann rak í tvö ár. Gylfi rak heildsölu í Reykjavík, G. Hinriksson hf.,
auk þess að hafa komið að rekstri Rjómaísgerðarinnar í upphafi sem var
fyrsta ísgerð landsins.
Ekki endilega stærst
Það er ekki sjálfgefið að það gangi upp að reka fjölskyldufyrirtæki,
um það eru þau systkini sammála. Það þarf að vera góð samstaða á
milli systkina og hluthafa.
Þótt fjölskyldufyrirtæki hafi tilhneigingu til að taka vinnulag af fjöl­
skylduhefðum hefur stefnumótun fyrirtækisins orðið markvissari með
árunum, með aðkomu stjórnar og lykilstarfsmanna, um það eru syst k­
inin sammála.
„Við urðum t.d. að fara dálítið yfir það á „húrra­árunum“, eins og
ég kalla það, hvort við ætluðum að smitast af þeirri stemningu sem
var í þjóðfélaginu eða ekki. Þá urðum við að horfa til þess í hverju við
værum góð og á hverju við hefðum lifað til dagsins í dag. Vandinn var
að láta ekki glepjast af þeim gylliboðum og tækifærum sem buðust.
Við vorum t.d. spurð af hverju við værum ekki í útrás, það þótti dálítið
púkó að vera ekki í því,“ segir Guðrún.
Valdimar segir að vissulega hafi komið margvísleg tilboð um kaup
og samruna á þeim tíma þegar ódýrt lánsfé streymdi um þjóðfélagið.
„Menn voru alltaf að gylla fyrir okkur það að geta stækkað fyrirtækið
en það er bara ekki aðalmarkmiðið hjá okkur. Vissulega varð maður
að spyrja sig hvort maður vildi vinna annars staðar en hér á þeim tíma
þegar lögfræðingar og fjárfestar heimsóttu okkur reglulega. Svarið var
yfirleitt það að hér væri best að vera.“
Þau bæta við að þau hafi einnig orðið að horfast í augu við að þetta
væri það sem þau kynnu best. Þetta væri sá markaður og sú starfsemi
sem þau þekktu. Því væri ekki hægt að kasta fyrir róða svo auðveldlega.
„Það er ekkert keppikefli hjá okkur að vera stærst en við viljum vera
best í því sem við gerum. Við viljum veita góða þjónustu og við viljum
framleiða stöðuga og góða vöru sem neytendur geta gengið að vísri.
Þeir eiga að vita, að ef lógóið okkar er á henni þá er það gæðavara,“
segir Guðrún.
Kjörís er eitt þekktasta vörumerkið á Íslandi og fólk veit fyrir hvað
það stendur. Guðrún segir að það hafi verið þeirra gæfa að vera vel
KJÖRÍS
Velta: 902 milljónir kr.
Hagnaður: 43 milljónir kr. f. skatta.
Heildareignir: 403 milljónir kr.
Heildarskuldir: 165 milljónir kr.
Eigið fé: 238 milljónir kr.
Eiginfjárhlutfall: 59%.
Starfsmenn: 50
Hveragerði: Fjórði stærsti vinnuveitandinn í bæjarfélaginu.
Vörutegundir: 260 vörunúmer og þar af 160 eigin vörutegundir af ís.
Framkvæmdastjóri: Valdimar Hafsteinsson.
Markaðsstjóri: Guðrún Hafsteinsdóttir.
Stjórn: Laufey Valdimarsdóttir og dætur hennar; Guðrún, Aldís og
Sigurbjörg. Þá situr föðurbróðir þeirra systra; Guðmundur Kristinsson,
í stjórninni.
Hafsteinn Kristinsson, stofnandi Kjöríss og framkvæmdastjóri
fyrirtækisins fyrstu tuttugu og fjögur árin.