Frjáls verslun - 01.11.2010, Blaðsíða 92

92 F R J Á L S V E R S L U N • 1 1 . T B L . 2 0 1 0
TEXTI: HILMAR KARLSSON
Kvik myndir
Leiknar kvikmyndir í fullri lengd voru átta sem er nokkuð gott þegar haft er í
huga ástandið í þjóðfélaginu og niður skurður á fjármagni til Kvikmyndasjóðs.
GRÓSKA Í GERÐ HEIMILDARMYNDA EN FÆSTAR NÁ FULLRI KVIKMYNDALENGD
N iðurskurður á fjármagni til Kvik myndasjóðs Íslands var 25% á þessu ári og boðaður er áfram haldandi niður­skurður um önnur 25% þannig að ljóst er að ef gera á leikna kvikmynd í fullri lengd er ekki hægt að treysta á
Kvikmyndasjóð, annarra ráða þarf að leita og ein leikin kvik mynd,
sem frum sýnd var á árinu, Boðberi, naut engra styrkja frá Kvik­
myndasjóði.
Með aukinni stafrænni tækni hefur fjölbreytnin í kvikmyndagerð
aukist en sú aðferð er mun ódýrari en að notast við filmu, gæðin eru
svo annað mál, en vissulega hafa orðið miklar framfarir í staf rænni
tækni. Möguleikarnir í stafrænni tækni nýtast best við gerð heim ild­
armynda og hefur verið mikill uppgangur í gerð slíkra kvikmynda,
ekki aðeins hér á landi heldur í öllum heiminum, og rata margar þeirra
í kvikmyndahús þótt flestar fari þær í sjónvarpið, að minnsta kosti þær
sem ekki ná fullri kvikmyndalengd. Þá er einnig mikil gróska í gerð
stuttmynda þar sem leiknar myndir eru í meirihluta.
Hvað varðar niðurskurðinn á fjárlögum til kvikmyndagerðar hafa
kvik myndagerðarmenn lagt fram rök þar sem því er haldið fram að
tapið fyrir ríkissjóð verði meira þegar skorið er niður fjármagn en
gróð inn sem ríkið fær með óbreyttri fjárhæð.
LEIKNAR KVIKMYNDIR
Árið byrjaði vel í flokki leikinna kvikmynda en fyrsta myndin,
Mamma Gógó í leikstjórn Friðriks Þórs Friðrikssonar, var frum­
sýnd 1. janúar. Hún fjallar um Gógó, eldri konu sem greinist með
Alzheimer­sjúkdóminn, og viðbrögð hennar og fjölskyldu hennar
við sjúkdómnum. Óhætt er að segja að Mamma Gógó skipi sér í
hóp bestu kvikmynda Friðriks Þórs og ekki skemmir fyrir stjörnuleikur
Krist bjargar Kjeld. Aðrar leiknar kvikmyndir sem sýndar voru á árinu eru:
Kóngavegur í leikstjórn Valdísar Óskarsdóttur. Kvikmynd sem
gerist í hjólhýsahverfi og segir frá atburðum sem eiga sér stað þegar
Júníor snýr aftur heim til Íslands eftir þriggja ára fjarveru erlendis
með ýmis vandræði í farteskinu og vonar að faðir hans geti bjargað
málunum. Í hlutverki Júníors er Gísli Örn Garðarsson.
Boðberi, sem frumsýnd var um mitt sumar, fjallar að sögn leik­
stjórans og handritshöfundarins Hjálmars Einarssonar um fólk sem
upplifir sig sem jaðarhóp og ræðst svo á auðvaldið. Aðalhlutverkin
leika Darri Ingólfsson og Ísgerður Elfa Gunnarsdóttir.
Haustið kom með myndina Algjör Sveppi og dularfulla hótel-
herbergið í leikstjórn Braga Þórs Hinrikssonar og það er að sjálf­
sögðu Sverrir Þór Sverrisson sem leikur Sveppa, sem þjóðin virðist
aldrei fá leið á, en tvær Sveppa­kvikmyndir hafa litið dagsins ljós á
innan við ári.
Önnur gamanmynd, Sumarlandið, var einnig frumsýnd í sept em­
ber. Um er ræða grínmynd um venjulega fjölskyldu sem rekur óvenju­
lega álfatengda ferðaþjónustu og býður upp á miðilsfundi. Grímur
Hákonarson leikstýrði myndinni og í aðalhlutverkum eru Kjartan
Guðjónsson og Ólafía Hrönn Jónsdóttir.
Brim sem Árni Ólafur Ásgeirsson leikstýrir er metnaðarfull kvik­
mynd sem fékk fínar viðtökur en hún var lokamyndin á kvikmynda­
hátíðinni RIFF. Í henni segir frá því þegar ung kona ræður sig sem
háseta á fiskveiðibát þar sem fyrir er harðger og samheldinn hópur
karla. Leikarahópurinn er jafn og góður en meðal leikara eru Nína Dögg
Filippusdóttir, Gísli Örn Garðarsson, Ólafur Egill Egilsson og Ólafur
Darri Ólafsson.
Órói er mynd um unglinga sem eru að stíga sín fyrstu skref í heimi
hinna fullorðnu og er byggð á bókum Ingibjargar Reynisdóttur sem
hafa notið vinsælda hjá ungu fólki hér á landi. Leikstjóri er Baldvin
Z og með aðalhlutverkin fara Atli Óskar Fjalarsson og Hreindís Ylva
Garðarsdóttir.
Kvikmyndaárinu lauk með frumsýningu á Gauragangi á annan
dag jóla. Um er að ræða kvikmyndagerð eftir vinsælli unglinga skáld­
sögu eftir Ólaf Hauk Símonarson, sem leikgerð hefur einnig verið
gerð eftir og er önnur uppfærslan á þeirri leikgerð nú sýnd í Borgar­
leik húsinu. Leikstjóri er Gunnar B. Gunnarsson og í aðalhlut verkum
eru Alexander Briem og Eygló Hilmarsdóttir.