Frjáls verslun - 01.04.2007, Blaðsíða 20

20 F R J Á L S V E R S L U N • 4 . T B L . 2 0 0 7
FORSÍÐUGREIN • GESTUR JÓNSSON
TEXTI: VILMUNDUR HANSEN • MYNDIR: GEIR ÓLAFSSON
FORFALLINN
GOLFARI
Gestur Jónsson hæstaréttarlögmaður hefur vakið mikla athygli
sem verjandi Jóns Ásgeirs Jóhannessonar í Baugsmálinu svo-
nefnda. Hann þykir snjall og yfirvegaður – og eiga auðvelt með
að komast að kjarna málsins. En Gestur lætur víðar að sér
kveða; hann er formaður landskjörsstjórnar, úrskurðarnefndar
lögmanna og Golfklúbbs Reykjavíkur. Við skyggnumst hér á
bak við tjöldin og forvitnumst um þennan snjalla lögmann.
Móðir mín fór austur á Seyðisfjörð til foreldra sinna til að eiga mig en við bjuggum í Reykjavík þar til ég var fjögurra ára, þá fluttum
við í Kópavog og þar ólst ég að mestu upp og
gekk í Barnaskóla Kópavogs. Á þessu tíma var
Kópavogur meira sveit en kaupstaður og utan-
sveitarmönnum þótti gatnakerfið óskiljanlegt,
skipulagið skrítið og húsagerðin ósamstæð svo
ekki sé meira sagt,“ segir Gestur Jónsson.
„Í minningunni voru uppvaxtarárin í Kópa-
vogi frábær tími og lífið einn samfelldur leikur.
Þarna voru rosalega margir krakkar og opin
svæði út um allt þar sem spilaður var fótbolti
eða eitthvað brallað. Þegar voraði var ég settur
upp í rútu og sendur til afa míns og ömmu í
Siglufirði þar sem afi minn, Skafti Stefánsson,
rak síldarsöltunarstöð. Ég dvaldi hjá þeim ellefu
sumur á kafi í síldartunnunum og öllu sem því
fylgdi. Mér fannst þá og finnst enn að ég sé að
hluta til Siglfirðingur og er mjög stoltur af þeim
hlutanum. Það er merkilegt hvað maður finnur
Siglfirðinga víða í þjóðfélaginu og allir virðast
þeir jafnánægðir með þessar rætur.
Á þessum árum lagði ég mig fram við að tala
norðlensku, raddaði og kvað hart að eins og ekta
Siglfirðingur. Mér er sagt að enn í dag fari ég að
tala norðlensku þegar mér er mikið niðri fyrir
GESTUR JÓNSSON Í NÆRMYND