Frjáls verslun - 01.04.2007, Síða 74

74 F R J Á L S V E R S L U N • 4 . T B L . 2 0 0 7
Margir kannast við nöfn þekktra fræði-manna og ráðgjafa án þess að muna nákvæmlega hvað þeir eru frægir fyrir. Þetta á við um viðskiptafræði og
stjórnun eins og aðrar fræðigreinar. Hver hefur ekki
heyrt einhvern minnast á Abraham Maslow, Henry
Mintzberg, Michael E. Porter og Peter F. Drucker
eða verið í hópi þar sem sagt er frá John Kotter, Karl
Albrecht og Stephen R. Covey svo dæmi sé tekið.
Hin hliðin á sama peningi er þegar umræðan er um
þarfapíramídann, helstu skipulagsgerðirnar, virð-
iskeðjuna og tilvistarkenningu fyrirtækisins. Önnur
dæmi um eitthvað sem hljómar kunnuglega er þegar
einhver kastar fram „Pétursprinsippinu“ eða „Park-
insonslögmálinu“.
Hverjir eru þessir menn sem svo oft er fjallað um,
hvað eru þeir þekktir fyrir og hvað má af þeim læra?
Hér er stórt spurt og stundum er fátt um svör. Fyrir
áhugasama er þetta úrvals ritgerðarefni. Um hvern
og einn sem tilheyrir úrvalshópi kenningakónga eru
til viðamiklar upplýsingar. Bæði hefur umtalsvert
verið skrifað um þessa einstaklinga og hver og einn
þeirra hefur samið fjölda ritverka sem í mörgum til-
fellum hafa verið þýdd á fleiri tungumál. Umfangið
af fyrirliggjandi efni er í raun slíkt að það getur
verið erfitt að ná utan um það og átta sig á aðal-
atriðunum.
Fyrir starfandi stjórnendur er löng ritgerð á hinn
bóginn ekki alltaf besti miðillinn. Oft henta betur
stuttar og hnitmiðaðar greinar. Það er því mark-
miðið með þessari grein og öðrum sem munu fylgja
í kjölfarið að auðvelda stjórnendum að rifja upp
áherslur og meginskilaboð frá nokkrum þekktum
kenningakóngum. Ætlunarverkið er að grípa niður
og gefa eftir föngum innsýn í nokkrar þekktar
stjórnunaraðferðir og lögmál. Að setja innihald á bak
við kunnugleg nöfn og rifja upp kjarna málsins.
Það er fyrst og fremst innsýn, þekking og áhugi
greinarhöfundar sem ræður valinu á kenningakóng-
unum og um hvaða framlag þeirra er fjallað. Alls
eru það fimmtán einstaklingar sem hafa orðið fyrir
valinu að þessu sinni. Valið á þeim er ekki hlutlægt
eða kerfisbundið. Byggt er á reynslu annars vegar og
hins vegar á nokkrum heimildum þar sem fjallað er
um fjölmarga fræga kennimenn viðskiptafræðanna.
Að hluta til eru heimildirnar vefsíður kenningakóng-
S T J Ó R N U N
TEXTI: RUNÓLFUR SMÁRI STEINÞÓRSSON
Þekkt lögmál og stjórnunaraðferðir: Runólfur Smári Steinþórsson,
prófessor við Háskóla Íslands, fjallar
hér um kenningakóngana í stjórnun.
Þetta er fyrsta grein hans af nokkrum
um þekkta fræðimenn á sviði stjórn-
unar. Hver hefur ekki heyrt einhvern
minnast á Abraham Maslow, Henry
Mintzberg, Michael E. Porter og Peter
F. Drucker? Eða um „Pétursprinsippið“
og „Parkinsonslögmálið“.
KENNINGA
KÓNGARNIR
Dr. Runólfur Smári
Steinþórsson.