Frjáls verslun - 01.04.2007, Blaðsíða 25
F R J Á L S V E R S L U N • 4 . T B L . 2 0 0 7 25
FORSÍÐUGREIN • GESTUR JÓNSSON
ákæruliðum á hendur honum var ýmist vísað frá dómi eða
hann sýknaður af kröfum ákæruvaldsins. Saksóknarinn
hefur kært til Hæstaréttar allt sem kæranlegt var og krefst
þess að Hæstiréttur skipi héraðsdómurunum að dæma
efnislega um þá liði sem vísað var frá dómi.
Málinu er því fjarri lokið ennþá. Þá liggur einnig fyrir
að Jón Ásgeir ætlar að áfrýja til Hæstaréttar þeim ákærulið
þar sem hann var sakfelldur. Málið á því eftir að fara fyrir
Hæstarétt auk þess sem ýmsir aðrir angar þess hafa enn ekki
verið leiddir til lykta. Því miður,“ segir Gestur.
Þessa dagana segist Gestur einna helst vera að glíma
við þreytuna eftir rekstur Baugsmálsins þar sem hann var í
réttarsal samfellt í sjö vikur. Hann nefnir þó áhugavert mál
þar sem hann situr í matsnefnd sem ákvarða skal hæfilegar
bætur til eigenda vatnsréttindanna þar sem virkjað hefur
verið við Kárahnjúka. Málflutningur fór fram á Egils-
stöðum um miðjan maímánuð. Eigendur vatnsréttindanna
krefjast bóta sem nema mörgum tugum milljarða en Lands-
virkjun vill greiða fá hundruð milljóna. „Við erum fimm í
matsnefndinni og hlutverk okkar er að ákveða hæfilegar
bætur fyrir þessi réttindi. Fyrir mig er það alltaf áhugavert
að sitja dómaramegin í máli. Ég skynja þar vel mikilvægi
þess að lögmenn undirbúi mál sín vandlega og flytji þau af
kunnáttu og á málefnalegum grunni,“ segir Gestur.
Annars segist hann reyna að nýta hlé á Baugsmálinu
til þess að grynnka á öðrum verkefnum sem orðið hafi að
bíða. Flest séu gerólík Baugsmálinu enda eðli lögmanns-
starfsins að verkefnin séu af margvíslegum toga. Í venjulegri
lögmennsku sé verið að vinna að mörgum málum í einu og
undantekning að lenda í verkefni eins og Baugsmálinu sem
taki allan tíma og orku í marga mánuði og jafnvel ár.
mál gegnum árin og lífsviðhorf okkar svipuð.
Við vorum samstíga í pólitík sem ungir
menn og Gestur oft mjög heitur í þeim
málum á sínum yngri árum. Við ólumst upp
á Bítlatímanum og kynntumst konum okkar
á svipuðum tíma. Skemmtum okkur mikið
saman og böllin og partíin voru oft fjörleg.
Gestur hefur alltaf verið fróðleiksfús og
um tíma sökktum við okkur af miklum krafti
niður í landafræði og ýmsan annan fróðleik.
Gestur er næstum alltaf í góðu skapi enda
vinsæll og vinmargur og ég man sjaldan eftir
að hafa séð hann reiðast. Honum getur að
vísu sárnað sé sagt eitthvað um hann eða
haft eftir honum vitlaust en hann fer vel
með það og leynir því vel.
Sem strákar tókum við þátt í leiklist-
arstarfsemi, lékum saman í leikriti í barna-
skóla og settum sjálfir upp leikrit. Gestur
var ágætur leikari og ég tel að það hafi
komið honum vel sem málaflutningsmanni
seinna á ævinni. Eina skiptið sem ég hef
séð Gest reiðast verulega var í tengslum við
leiksýningu sem við settum upp. Gestur lék
tröll og var klæddur í svartan stakk. Bróðir
minn, sem var fjögurra ára, lék dverg sem
átti að svæfa tröllið með því að snerta það.
Á sýningunni voru nokkrir eldri strákar sem
ætluðu sér að hleypa upp sýningunni og
þeir mana bróður minn í að ganga hart á
tröllið og hann sló full fast til Gests. Gesti
var gjarnt að fá blóðnasir á þessum tíma og
það skipti engum að blóðið fór að fossa úr
nefinu á honum. Að vonum undi hann þessu
mjög illa og rauk út af sviðinu og hljóp á
eftir strákunum ataður í blóð og sýningin fór
úr um þúfur,“ sagði Eiríkur Tómasson próf-
essor.
Ragnar H. Hall:
Greindur og úrræðagóður
„Við Gestur erum skólabræður úr lagadeild
og höfum rekið saman lögmannsstofu í
15 ár þannig að við höfum átt mjög náin
samskipti bæði í vinnu og sem persónu-
legir vinir,“ sagði Ragnar H. Hall hæstarétt-
arlögmaður. ,,Í stuttu máli myndir ég lýsa
Gesti sem afar traustum og fjölhæfum.
Hann hefur marga góða kosti en er að
sjálfsögðu ekki gallalaus frekar en aðrir.
Helstu kostir hans eru hversu greindur
hann er og fljótur að setja sig inn í ólík
mál og finna lausnir á þeim. Hann er mjög
fljótur að greina vandann í stöðunni og er
einstaklega talnaglöggur. Gestur hefur líka
hæfileika til að sjá spaugilegu hliðarnar og
er bráðskemmtilegur. Mörgum þykir hann
frekur og hann getur eflaust verið ráðríkur
eins og algengt er með menn sem veljast
til forystu þó að ég upplifi hann ekki sem
frekan. Gestur getur
verið skapmikill en
fer vel með það
og er fremur rögg-
samur og ákveð-
inn að mínu mati
og þeir eiginleikar
hafa nýst honum
vel í starfi. Allt sem
Gestur tekur sér fyrir
hendur vinnur hann af heilum hug og hann
hefur til dæmis lyft Grettistaki sem formaður
Golfklúbbs Reykjavíkur.
Gestur getur verið afskaplega stríðinn
og hvatvís. Gott dæmi um það er saklaus
stríðni sem Gestur gerði nýútskrifuðum lög-
fræðingi sem nýlega hóf störf hjá okkur. Á
þorranum var ákveðið að kaupa þorramat
í hádeginu sem ungi lögfræðingurinn hafði
engan áhuga á að borða og fékk sér því
samloku í staðinn. Ungi maðurinn var svo
kallaður í símann eitt andartak. Gestur
sá sér þar leik á borði og tókst honum að
lauma nokkrum góðum hákarlsbitum inn
í samlokuna og það kom heldur skrítinn
svipur á manninn þegar hann beit í hann.
Grikkurinn var ekkert undirbúinn og Gestur
tók bara allt í einu upp á þessu sér og
okkur hinum til mikillar skemmtunar,“ sagði
Ragnar H. Hall hæstaréttarlögmaður.
Ragnar H. Hall.
Eiríkur Tómasson