Frjáls verslun - 01.04.2007, Blaðsíða 22
22 F R J Á L S V E R S L U N • 4 . T B L . 2 0 0 7
FORSÍÐUGREIN • GESTUR JÓNSSON
eða legg áherslu á orð mín. Í síldinni fengu allir sem vettlingi
gátu valdið vinnu. Það hljómar kannski eins og barnaþrælkun
að ég var kominn í launaða vinnu á síldarplaninu sex ára gam-
all. Ég var látinn vatna tunnur og sinna ýmsu fleiru sem þurfti
að gera.
Ég veit svo sem ekki hversu mikið gagn var í mér en ég
var skráður sem launþegi og var mjög stoltur af því. Það er
merkilegt að hugsa til þess að kjarasamningar verkalýðsfélags-
ins í Siglufirði á þessum tíma hljóðuðu upp á fullorðinskaup
frá sextán ára aldri en það voru líka sérstakir kauptaxtar fyrir
fjórtán til sextán ára, tólf til fjórtán ára og tíu til tólf ára. Ég
var fyrstu vinnusumrin auðvitað mjög montinn af því að fá
kaup samkvæmt taxta tíu til tólf ára þótt ég væri miklu yngri.
Ég held að síldarvinnan hafi gert mér mjög gott og það er
mikið happ fyrir krakka að fá að taka
þátt í að vinna með fullorðnu fólki
og læra vinnubrögð þess. Því miður
kvaddi síldin Siglufjörð og þá var þar
ekki lengur vinnu að hafa. Ég fór í sum-
arvinnu fyrir sunnan þegar ég var fjór-
tán ára. Vann þrjú sumur hjá Íslenskum
aðalverktökum á Keflavíkurflugvelli og
í Hvalfirði og síðar eitt sumar við virkj-
unarframkvæmdir við Búrfell. Ég fór til útlanda að vinna tvö
sumur síðustu árin í menntaskóla. Stóð við færiband og setti
saman Volvobíla í Gautaborg annað sumarið en hitt sumarið
vann ég í gasverksmiðju í Kaupmannahöfn þar sem unnið var
gas úr kolum. Þetta var víst síðasta verksmiðjan þeirrar teg-
undar í Kaupmannahöfn. Mér var sagt að hinar hefðu allar
sprungið í loft upp. Þetta voru skemmtileg sumur en ólík.
Vinnan var mikið alvörumál hjá Svíunum, en Danirnir tóku
lífið mátulega alvarlega og drukku flestir ótrúlegt magn af
bjór í vinnutímanum. Eftir að ég fór í lögfræðinámið gerð-
ist ég stundakennari við minn gamla skóla, Gagnfræðaskóla
Kópavogs, og var svo í Kópavogslöggunni í tvö sumur. Ég
starfaði einnig sem blaðamaður á Tímanum og skúraði
Manntalsskrifstofuna á háskólaárunum,“ segir Gestur.
Ætlaði aldrei að verða lögfræðingur
„Eftir að ég lauk barnaskóla fór ég yfir í Gagn-
fræðaskóla Kópavogs og lauk landsprófi þar.
Þaðan fór ég í Menntaskólann við Hamrahlíð
og er úr fyrsta árgangi þess skóla. Það hefur verið
sagt um þennan árgang að við séum frekjur upp til
hópa vegna þess að við vorum alltaf í elsta bekknum
og þar með engir eldribekkingar til þess að aga okkur.
Margir úr þessum árgangi komu úr Kópavogi eru vinir
mínir í dag, þar á meðal eru Hjálmar Árnason, fyrrverandi
þingmaður, Eiríkur Tómasson, prófessor við Háskóla Íslands,
Guðmundur Helgason íþróttakennari og Ari Ólafsson próf-
essor svo að nokkrir séu nefndir. Í MH urðum við Jón
Gunnar Ottósson, forstjóri Náttúrufræðistofnunar Íslands,
Gestur er forfallinn golfari,
hefur gaman af fótbolta,
teflir og spilar bridge þegar
tækifæri gefast og að
sögn vina Gests er hann
óforbetranlega stríðinn.