Frjáls verslun - 01.04.2007, Síða 105
F R J Á L S V E R S L U N • 4 . T B L . 2 0 0 7 105
„Ætli ég hafi ekki byrjað að fikta við golf þegar ég dvaldi hjá
afa og ömmu úti í Vestmannaeyjum,“ segir Halldór Einarsson,
framkvæmdastjóri Henson. „Það gæti hafa verið 1958 og
Andrés blindi beygði fyrir okkur strákana rör sem við létum
duga sem kylfur. Síðan fundum við bolta í gjótum og kafal-
grasi. Andrés gerði líka fyrir okkur teygjubyssur en það er
önnur saga.“ Halldór segir að fyrst hafi golfið ekki staðist
samanburð við fótboltann en það varð að prófa.
„Það sem heillar er félagsskapurinn, útiveran, vissan um
að maður hafi gott af þessu og þetta eina og eina högg sem
heppnast,“ segir Halldór sem spilar golf einu sinni í viku yfir
sumartímann og þess utan endrum og eins. „Síðan býður
golfið upp á smáþorsta sem réttlætir á skemmtilegan hátt
þörfina fyrir einn kaldan á nítjándu holu. Keppnin við sjálfan
sig er mesta áskorunin í golfinu og vissan um að getan, sem
er mjög lítil í dag, eigi eftir að aukast með meiri ástundun.“
Kristín Guðmundsdóttir, framkvæmdarstjóri fjármálasviðs hjá
Símanum, byrjaði að spila golf árið 1988. „Það sem heillar
mig við golfið er að maður keppir við sjálfan sig og þessu
fylgir góður félagsskapur.“
Kristín spilar golf að jafnaði þrisvar í viku og er meðlimur í
Golfklúbbi Reykjavíkur og Golfklúbbi Öndverðarness. Ástæða
þess að Kristín fór að slá litlu kúluna er að hún á sum-
arbústað í Þrastarskógi en Öndverðarnesvöllur er í næsta
nágrenni. Um er að ræða 9 holu völl sem verið er að stækka
í 18 holu völl.
Kristín dvelur í bústaðnum sínum eins oft og hún mögulega
getur. „Maðurinn minn, börn og barnabörn spila golf með
mér í sveitinni og við skemmtum okkur konunglega. Það er
nettenging í bústaðnum þannig að ég get unnið eins og ég sé
stödd á skrifstofunni ef þannig viðrar.“
Kristín hefur farið holu í höggi í Grafarholtinu og í
Öndverðarnesi.
Halldór Einarsson:
Einn kaldur
á nítjándu holu
Kristín Guðmundsdóttir:
Í nágrenni
sumarbústaðarins
Kristín Guðmundsdóttir. „Maðurinn minn, börn og barnabörn
spila golf með mér í sveitinni og við skemmtum okkur kon-
unglega.“
Halldór Einarsson. „Keppnin við sjálfan sig er mesta áskorunin í golf-
inu og vissan um að getan, sem er mjög lítil í dag, eigi eftir að aukast
með meiri ástundun.“