Frjáls verslun - 01.04.2007, Síða 59

L A X V E I Ð I
ég trúað því að a.m.k. ⅔ hlutar af veltunni
stafi af sölu til félagsmanna í SVFR,“ segir
Bjarni. Hann segir að margvíslegar skýringar
séu á því að dregið hafi úr ásókn erlendra
veiðimanna í laxveiði á Íslandi. Ein skýringin
sé vafalítið sú að verðið fyrir veiðileyfin sé
orðið of hátt í íslenskum krónum og margir
veiðimenn telji verð hérlendis einfaldlega of
hátt í samanburði við aðra valkosti í laxveiði,
t.d. í Rússlandi, og þá hafi gengisþróunin
örugglega haft sitt að segja. Styrking krón-
unnar á síðustu árum hafi orðið til þess að
verðið í erlendri mynt hafi hækkað verulega.
„Það má líka leiða að því
getum að e.t.v. hafi íslenskir
veiðileyfasalar dregið úr
markaðssetningu á veiði-
leyfum erlendis vegna þess
hve salan á innanlandsmark-
aði hefur gengið vel,“ segir
Bjarni.
Á sama tíma og dregið
hefur úr komu erlendra stangaveiðimanna
til landsins hefur færst í vöxt að íslenskir
veiðimenn fari til útlanda í veiði.
Margir af kunningjum mínum hafa
brugðið sér í veiði til útlanda en það er erfitt
að átta sig á því hve þessi hópur er stór. E.t.v.
er hann stærri en maður gerir sér grein fyrir
í fljótu bragði,“ segir Bjarni en SVFR býður
nú upp á takmarkað úrval veiðileyfa erlendis.
Farnar voru þrjár laxveiðiferðir til Írlands á
þessu vori og rætt hefur verið um að bjóða
félagsmönnum í SVFR upp á veiðileyfi víðar,
t.d. í silfurbokkaveiði á Kúbu og þá e.t.v. í
samstarfi við aðra.
„Það er heppilegra að stíla inn á að slík
veiði sé utan hefðbundins laxveiðitíma á
Íslandi, svona til að vera ekki með þessa vöru
í samkeppni við íslensku veiðiárnar.“
Silungsveiðimöguleikar
eru stórkostlega vannýttir
Verðlagning á veiðileyfum er vinsælt
umræðuefni veiðimanna og mörgum blöskrar
verðþróunin. Bjarni segir að SVFR hafi gert
sitt til að reyna að bjóða félagsmönnum upp
á veiðileyfi á viðráðanlegu verði og það sé
staðreynd að verð veiðileyfa hjá félaginu sé í
mörgum tilvikum lægra en fyrir sambærilega
veiði hjá keppinautunum, enda sætti félagið
sig við lægri álagningu en margir aðrir veiði-
leyfasalar.
„Ég er þeirrar skoðunar að verð á dýr-
ustu veiðileyfunum muni ekki hækka mikið
meira. Ég heyri á öllum að toppnum sé náð.
Hins vegar má búast við því að verðið í með-
aldýru ánum og þeim ódýrari eigi enn eftir
að hækka. Þetta er svo takmörkuð auðlind og
það er ekki einfalt að auka við stangardagana,
þótt dæmi séu um að menn hafi ræktað upp
laxveiðiár þar sem lítil veiði var fyrir. Dæmi
um það eru t.d. Rangárnar
og Breiðdalsá,“ segir Bjarni,
hann spáir því hins vegar að
ásóknin í silungsveiðileyfi
eigi eftir að stóraukast á
komandi árum. Á því sviði
séu stórkostlega vannýttir
möguleikar.
Þrátt fyrir allt tal um
hátt verð veiðileyfa telur Bjarni að veltan
á íslenskum veiðileyfamarkaði sé minni en
margir telja.
„Ég gæti ímyndað mér að veltan í sölu
veiðileyfanna sjálfra sé ekki miklu meiri
en um tveir milljarðar króna á ári. Það eru
auðvitað miklir fjármunir. Þegar allt er talið,
s.s. ýmis þjónusta við veiðimenn, hvort sem
það er gisting, fæði, þjónusta leiðsögumanna
eða önnur þjónusta í héraði, þá kæmi mér
ekkert á óvart þótt þessi markaður velti allt að
fimm milljörðum króna, fyrir utan „afleidda
veltu“. Það er hugsanlega verið að selja þjón-
ustu leiðsögumanna í allt að 30 ám í 30 daga
á sumri. Miðað við 10 stangir að jafnaði þá
eru þetta 9000 stangardagar á sumri. Veltan
vegna þessa gæti numið 350 milljónum
króna. Veltan vegna sölu fæðis og gistingar í
veiðihúsum gæti hæglega numið einum millj-
arði á sumri. Þá á eftir að gera ráð fyrir þeim
fjármunum sem veiðimenn verja til kaupa á
ýmiss konar veiðibúnaði. Í ljósi þess að veiði-
tímabilið er víðast hvar ekki nema 90 dagar á
sumri þá má e.t.v. segja að veltan í kringum
veiðina, þegar allt kemur til alls, sé ótrúlega
mikil,“ segir Bjarni Júlíusson.
Laxveiði
Elliðaár
Úlfarsá (Korpa) *
Leirvogsá
Laxá í Kjós og
Bugða *
Andakílsá
Grímsá *
Norðurá
Gljúfurá í Borgarfirði
Norðlingafljót í
Borgarfirði *
Hítará
Fáskrúð í Dölum
Krossá á
Skarðsströnd
Víkurá í Hrútafirði *
Gljúfurá í Húnaþingi
*
Fnjóská
Laxá í Aðaldal –
Nes- og Árnesveiðar
Svalbarðsá í
Þistilfirði *
Selá í Álftafirði *
Þverá í Fljótshlíð *
Hólsá – Austurbakki
*
Stóra-Laxá
Sog – Alviðra
Sog – Ásgarður
Sog – Bíldsfell
Sog – Þrastarlundur
Sog – Syðri Brú
Hvítá – Laugardælir
Hvítá – Stóru Ármót
*
Hvítá –
Oddgeirshólar
Hvítá – Kiðjaberg *
Hvítá –
Snæfoksstaðir *
Silungsveiði
Andakílsá
Norðurá – Flóðatangi
Hítarvatn á Mýrum
Langavatn í
Borgarfirði
Efri-Haukadalsá
Hraunsfjörður
Ljárskógavötn
Gufudalsá
Grafará *
Hjaltadalsá og
Kolbeinsdalsá *
Laxá í Aðaldal
- Staðartorfa
-Múlatorfa
-Hraun
-Presthvammur
Litlá í Kelduhverfi *
Grenlækur 1 og 2
Steinsmýrarvötn *
Eldvatnsbotnar
Tungufljót
Sogið
- Ásgarður
-Þrastarlundur
-Bíldsfell
-Alviðra
Varmá /
Þorleifslækur
* = Umboðssala
Veiðisvæði SVFR
F R J Á L S V E R S L U N • 4 . T B L . 2 0 0 7 59
„Ég er þeirrar skoðunar
að verð á dýrustu
veiðileyfunum muni ekki
hækka mikið meira.
Ég heyri á öllum að
toppnum sé náð.“