Frjáls verslun - 01.04.2007, Blaðsíða 90

90 F R J Á L S V E R S L U N • 4 . T B L . 2 0 0 7
K
YN
N
IN
G
SUMARIÐ ER TÍMINN
Mikið er um að fólk komi sér upp veröndum sem teygja sig frá stofudyrum og út í garðinn þar sem menn njóta sól-skinsstunda sumarsins. Margir velja að hellu- eða steinleggja
verandirnar, enda eru hellurnar viðhaldsfríar. BM Vallá býður marg-
víslegar hellulausnir sem nýtast vel þegar garðurinn
er skipulagður og landslagsarkitektar fyrirtækisins
veita viðskiptavinum ókeypis ráðleggingar og koma
með hugmyndir að garðskipulagi.
Úrvalið af steinum og hellum er fjölbreytt
hjá BM Vallá og árlega bætast nýjar útgáfur og
lausnir í steinaflóru fyrirtækisins. Gunnar Þór
Ólafsson forstöðumaður sölu og dreifingar segir
að til skamms tíma hafi fólk hrifist mjög af róman-
tískum útfærslum og fyrir valinu hafi orðið steinar
með gömlu yfirbragði sem minna á gamla evrópska
garða. Útlit húsanna væri að breytast, verða einfald-
ara og stílhreinna, og það kallaði á annars konar hellur, ferninga og
beinar línur og í garðhönnuninni væri jafnvel reynt að velja hellur sem
pössuðu við gólfflísar hússins.
Margvíslegt hleðsluefni er notað þegar vinna þarf með hæðarmun,
t.d. í tengslum við veröndina og ekki síður aðra hluta garðsins.
Auðvelt er að fá rétta hleðsluefnið hjá BM Vallá ef leysa þarf slíkan
vanda.
Garðurinn skipulagður strax Í eina tíð var algengt að frágangur
garðsins sæti á hakanum þótt fólk væri löngu flutt inn. Nú er
öldin önnur og fólk lýkur við frágang garðsins um leið og húsið
sjálft. Þá er gott að leita ráða hjá landslagsarkitektunum sem starfa
hjá BM Vallá og fá leiðbeiningar um skipulag og val á hellum og
hleðsluefni, garðlýsingu, bekkjum og blómakerum. Í litlu lystihúsi í
Fornalundi við Söluskrifstofu fyrirtækisins hitta
viðskiptavinir ráðgjafana, þær Áslaugu Katr-
ínu Aðalsteinsdóttur og Ingu Rut Gylfadóttur.
Koma þarf með teikningu af lóðinni, síðan
gefur hönnuðurinn góð ráð, rissar upp garðinn
og fólk fær af honum tölvuteikningu. Hún er
nánast endanleg vinnuteikning sem auðvelt er
að vinna út frá.
Gunnar Þór segir að fyrir 10 árum hafi flestir
aðeins hellulagt aðkomuna að húsinu en nú sé
farið að helluleggja bæði fyrir framan húsið og
inni í garðinum. Hellulögnin sé orðin meiri og
grasflatirnar að sama skapi minni svo garðvinnan verður auðveldari.
„Það er skoðun mín að eftir að menn fóru að nýta sér ráð lands-
lagsarkitektanna hafi garðarnir líka orðið fallegri og lausnirnar
skemmtilegri.“
Árlega koma nýjar hellutegundir og steinar á markaðinn há BM
Vallá. Annað hvert ár er gefin út bók með skemmtilegum hug-
myndum og lausnum sem byggjast á framleiðslu fyrirtækisins. Loks
má nefna að Fornilundur er sannkallaður hugmyndabanki og unaðs-
reitur. Þar getur fólk gengið um og notið gróðurs og garðskipulags
þótt það sé ekki endilega í viðskiptahugleiðingum.
Steinlagnir í görðum sækja á
BM Vallá:
Söludeildin hjá BM
Vallá er opin frá 8 til
18 virka daga og 9 til
14 á laugardögum. Við-
skiptavinir geta fengið
allar helstu upplýsingar
á www.bmvalla.is.
Gunnar Þór
Ólafsson, forstöðu-
maður hjá BM Vallá.