Frjáls verslun - 01.04.2007, Blaðsíða 33

D A G B Ó K I N
F R J Á L S V E R S L U N • 4 . T B L . 2 0 0 7 33
Greiningardeildin gerir ráð
fyrir að gengi krónunnar muni
haldast sterkt allt fram til
ársloka 2008, þrátt fyrir að
Seðlabankinn muni þá hafa
lækkað vexti töluvert.
„Þegar Seðlabankinn fer
að lækka vexti er það gert í
þeirri trú og vissu að jafnvægi
í efnahagskerfinu sé að verða
meira,“ sagði Björn Rúnar
Guðmundsson, sérfræðingur í
greiningardeild Landsbankans,
um framvindu og horfur krón-
unnar næstu 18 mánuðina.
21. maí
Arev N1, nýr
fjárfestingasjóður
N1 nafnið er greinilega vinsælt
um þessar mundir. Enn eitt N1
nafnið var kynnt til sögunnar
þennan dag þegar sagt var frá
því að nýr einkafjármagnssjóður,
Arev N1, hefði verið stofnaður.
Í tilkynningu sagði að sjóðurinn
hefði allt að þrjá milljarða króna
til fjárfestinga í íslenskum neyt-
endavörufyrirtækjum, aðallega
á sviði heildsölu, smásölu og
þjónustu. Sjóðurinn er í eigu
Eignarhaldsfélagsins Arev og
Icebank.
Fram kom í tilkynningu að
Arev N1 sé eini sjóðurinn með
þessu sniði hér á landi sem fjár-
festi í neytendavörufyrirtækjum,
en þetta fyrirkomulag sé þekkt
í öðrum geirum atvinnulífsins.
Sjóðurinn hefur nú fjárfest í
sex íslenskum fyrirtækjum,
þ.á m. Áltaki, Sól, Vínkaupum,
Yggdrasil og Lífsins tré.
MS hefur selt Emmessís.
21. maí
Sól kaupir Emmessís
Greint var frá því að Sól
hefði keypt Emmessís af
Mjólkursamsölunni. Sól er
þekktast fyrir að framleiða
ávaxtasafa og fyrirtækið var eitt
sinn í eigu Davíðs Schevings
Thorsteinssonar. Samkomulagið
er undirritað með fyrirvara um
áreiðanleikakönnun.
Mjólkursamsalan hóf fram-
leiðslu á ísblöndu fyrir ísvélar
árið 1954 og sex árum síðar
var stofnað sérstakt fyr-
irtæki um ísframleiðsluna.
Framleiðsluvörur Emmessíss
eru nú nálægt 120 talsins.
22. maí
Risar sameinast
á Ítalíu
Þessi frétt var um stórar tölur
á Ítalíu. En stjórn ítalska bank-
ans Unicredit náði samningum
um kaup á öðrum ítölskum
risabanka, bankanum Capitalia.
Kaupverðið nam 1.882 millj-
örðum króna. Með kaupunum
varð til næststærsti banki
Evrópu á eftir HBSC.
22. maí
Auglýsingin
með Lalla Johns
Sennilega hefur engin auglýs-
ing í langan tíma vakið annað
eins umtal og auglýsing
Öryggismiðstöðvarinnar með
Lalla Johns í aðalhlutverki.
Eins og oft áður sýndist sitt
hverjum. Sumir sögðu: Fyndnar
auglýsingar. Aðrir: Þær sýna
dómgreindarskort og mann-
fyrirlitningu.
Þegar Öryrkjabandalagið
tók sig til og kærði auglýsinga-
stofuna Himin og haf, sem
framleiddi auglýsingarnar, til
siðanefndar SÍA var birtingu
auglýsinganna hætt.
En kannski var auglýsingin
búin að ná því sem hún átti að
ná, þ.e. umtali. Andstæðingar
auglýsingarinnar myndu eflaust
orða það svo að illt umtal væri
betra en ekkert umtal.
Lalli Johns.
Magnús Kristinsson hefur bætt
Domino´s á Íslandi í safnið.
22. maí
Magnús Kristinsson
kaupir Domino´s
Magnús Kristinsson, útgerðar-
maður í Vestmannaeyjum og
fjárfestir, hefur verið duglegur
við að kaupa fyrirtæki undan-
farin tvö ár. Þau hafa flest
tengst bílgreininni. En í þetta
skiptið fór hann í matvælin því
Viðskiptablaðið sagði að félag
hans, Smáey, hefði eignast
Futura, rekstrarfélag Domino’s á
Íslandi, að fullu.
Domino´s er stærsta pítsa-
fyrirtæki landsins með yfir 350
starfsmenn á landsvísu og 13
verslanir.
23. maí
Sameinast Byr
og Sparisjóður
Kópavogs?
Sagt var frá því að stjórnir
Byrs sparisjóðs og Sparisjóðs
Kópavogs hefðu samþykkt að
veita stjórnarformönnum þeirra
umboð til að ganga til viðræðna
um sameiningu sjóðanna.
Byr er sparisjóður sem varð
til við sameiningu Sparisjóðs
Hafnarfjarðar og Sparisjóðs vél-
stjóra.
19. maí
Atorka selur
Parlo Parlogis
Atorka Group heldur áfram
að vinna að því markmiði,
sem félagið gaf út í byrjun
ársins, að selja fyrirtæki úr
eignasafni sínu hér heima.
Greint var frá því að
það hefði gengið frá sölu
á Parlogis sem verið hefur
í eigu félagsins frá árinu
2002. Kaupandi er eignar-
haldsfélagið Parlo. Guðný
Rósa Þorvarðardóttir verður
áfram framkvæmdastjóri
félagsins.
Nýir eigendur Parlogis
reka m.a. Transport toll- og
flutningsmiðlun ehf. og DM
Logistics sem einnig starfa
á vörustjórnunarmarkaði.
Félögin verða rekin áfram
sem sjálfstæðar einingar
með óbreyttu sniði.
Stjórnarformaður félag-
anna er
Friðrik
Smári
Eiríksson.
Guðný
Rósa
Þorvarðar-
dóttir.