Frjáls verslun - 01.04.2007, Blaðsíða 121
Hárlakk
Árið 1988 gerði John Waters
að margra mati bestu kvikmynd
sína, gamanmyndina Hairspray,
sem gerist í Baltimore í byrjun
7. áratugarins og fjallar um hina
þéttvöxnu Tracy Turnblad sem
dreymir um að verða dansari í
sjónvarpsþáttum. Söngleikur eftir
kvikmyndinni var frumsýndur á
Broadway 2002 og fékk hann
átta Tony verðlaun það árið. Nú
hefur aftur verið gerð kvikmynd
eftir söngleiknum Hairspray sem
verður frumsýnd í júlí. Leikstjóri er
Adam Shankman (Bringin Down
the House). Shankman, sem
einnig er danshöfundur, hefur
fengið fríðan hóp leikara, í helstu
hlutverkum eru John Travolta,
Queen Latifah, Michelle Pfeiffer
og Christopher Walken. Í hlutverki
Tracy Turnblad er Nikki Blonsky og
er þetta frumraun hennar. Nikki
er lágvaxin, aðeins 1,47 m, hafði
aðeins leikið í skólaleikritum
og vann í ísbúð þegar henni var
boðið hlutverkið.
John Travolta er ekki líkur sjálfum
sér í hlutverki Ednu Turnblad í
Hairspray eins og sjá má á mynd-
inni. Með honum er Nikki Blonsky,
sem leikur Tracy Turnblad.
Nancy Drew
Carolyn Keene samdi margar
bækur um hina snjöllu og hug-
rökku Nancy Drew. Hafa flestar
Nancy-bækurnar komið út á
íslensku. Allt frá árinu 1939 hafa
verið gerðar kvikmyndir og síðar
sjónvarpsmyndir um Nancy Drew.
Nýjasta útgáfan, sem einfaldlega
heitir Nancy Drew, verður frum-
sýnd í júní og er mikið lagt í
markaðsetningu og eru margir á
því að hún geti orðið ein vinsæl-
asta kvikmynd sumarsins. Í mynd-
inni fæst Nancy við að rannsaka
morð á kvikmyndastjörnu. Sú sem
leikur Nancy Drew heitir Emma
Roberts og skákaði hún mörgum
þekktum ungum leikkonum
sem höfðu áhuga á hlutverkinu.
Roberts er aðeins sextán ára
gömul en hefur verið að leika frá
því hún var tíu ára. Hún á ekki
langt að sækja leiklistarhæfileik-
ana. Faðir hennar er leikarinn Eric
Roberts og náfrænka hennar er
Julia Roberts. Leikstjóri Nancy
Drew er Andrew Fleming.
Viðtalið
Hinn ágæti leikari Steve Buscemi
hefur verið að færa sig á bak
við myndavélina og Interview er
þriðja kvikmynd hans. Áður hefur
hann leikstýrt Lonesome Jim og
Animal Factory, sem fengu ágæta
gagnrýni en litla aðsókn. Interview
er endurgerð eftir kvikmynd
hollenska leikstjórans Theo Van
Gogh sem eins og kunnugt var
myrtur um hábjartan dag af mús-
límskum öfgamanni, en þá hafði
nýlega verið sýnd í sjónvarpinu
mynd eftir Van Gogh sem fjallaði
um hroðaleg örlög múslímskra
kvenna. Buscemi leikur forhertan
stríðsfréttamann sem er ekki hrif-
inn þegar hann fær það verkefni
að taka viðtal við fræga leikkonu
sem leikur í sápuóperum. Varla er
hægt að hugsa sér ólíkari mann-
eskjur, hann með sínar sterku
pólitísku skoðanir og hún sem
þekkir aðeins þá gerviveröld sem
hún lifir í. Þrátt fyrir ólíkan bak-
grunn er eitthvað sem tengir þau
saman og brátt verður viðtalið
að nokkurs konar einvígi í orðum
um tilveruna. Sienna Miller leikur
sápuóperuleikkonuna.
Langur aðdragandi Ákvörðun um að gera Die Hard 4 á
sér langan aðdraganda. Árið 2004 var farið að undirbúa
myndina og Bruce Willis samþykkti að leika í henni. Í
samningi hans var klásúla sem leyfði honum að hafna
handriti og voru nokkur drög skrifuð sem hann samþykkti
ekki. Sagði Willis í viðtölum að þótt hann hefði samþykkt
að leika í fjórðu Die Hard myndinni þá væri ekki þar með
sagt að hann væri ekki orðinn þreyttur á John McClane og
til að hann fengi aftur áhuga á persónunni yrði handritið
að bjóða upp á eitthvað nýtt.
Þegar svo rétta handritið loks fannst var ekkert til fyrir-
stöðu að hefjast handa og tökur hófust seint á síðasta ári í
Baltimore og Washington. Ekki gengu þær áfallalaust fyrir
sig. Willis slasaðist þegar sparkað var óvart í andlit hans og
þurfti að fara með hann á sjúkrahús. Ekki var það alvarlegt
miðað við slysið sem staðgengill hans í áhættuatriðum,
Larry Rippenkroeger, lenti í. Hann slasaðist alvarlega þegar
hann féll 8 metra niður á gangstétt. Var hann fluttur á
sjúkrahús, margbrotinn og voru tökur stöðvaðar um tíma.
Willis leigði hótelherbergi í nágrenninu til að aðstandendur
hans gætu verið hjá honum öllum stundum. Rippenkroeg-
er náði sér af meiðslunum og er eitthvað aftur farinn vinna
en óvíst er hvort hann geti stundað áhættuatriðin af sama
krafti og áður.
Heimsfrumsýning á Íslandi Í upphafi var áætlað að
John McTiernan, sem leikstýrði Die Hard og Die Hard:
With Vengeance (Renny Harlin leikstýrði Die Hard 2. Die
Harder) myndi leikstýra Die Hard 4, en McTiernan varð
uppvís að því að hafa logið að FBI um hlerunarhneyksli
sem hann var þátttakandi í og viðurkenndi hann lygarnar
og bíður nú dóms. Í staðinn var leitað til Len Wiseman sem
er þekktastur fyrir Underworld og Underworld Evolution þar
sem blóðsugur og varúlfar koma mikið við sögu. Sjálfsagt
eru þetta ekki slæm skipti. Wiseman hefur sýnt að hann
kann vel til verka þegar kemur að átakaatriðum og brellum,
en McTiernan hefur ekki haft erindi sem erfiði í síðustu
myndum sínum. Sýndi hann þó gamalkunna takta í Basic
frá árinu 2003, en hefur ekki leikstýrt kvikmynd síðan.
Die Hard 4 verður frumsýnd dagana 27. til 29. júní í 16
löndum og er Ísland þar á meðal.
Bruce Willis og leikstjórinn Len Wiseman ræða málin
meðan á tökum á Die Hard 4 stóðu yfir.
BÍÓMOLAR
Emma Roberts í hlutverki
Nancy Drew.
F R J Á L S V E R S L U N • 4 . T B L . 2 0 0 7 121