Frjáls verslun - 01.04.2007, Blaðsíða 23

F R J Á L S V E R S L U N • 4 . T B L . 2 0 0 7 23
FORSÍÐUGREIN • GESTUR JÓNSSON
góðir vinir. Við höfðum reyndar vitað af hvor öðrum frá
því að við vorum pattar og fórum snemma að keppa hvor
við annan. Við Jón höfum báðir mjög gaman af að tefla
og það er ekki nokkur leið að halda tölu á öllum þeim
skákum sem við höfum teflt saman um ævina. Þær teljast
örugglega í þúsundum,“ sagði Gestur.
Gestur útskrifaðist úr eðlisfræðideild Menntaskólans
við Hamrahlíð og að eigin sögn langaði hann að læra verk-
fræði eða læknisfræði en hélt sig síst af öllu langa í lögfræði.
„Pabbi er lögfræðingur og ég ólst upp við að fólk spurði mig
hvort ég ætlaði að verða lögfræðingur og fara út í pólitík
eins og hann. Ég hélt nú ekki, ég ætlaði að gera eitthvað
allt annað. Ég passaði upp á að
halda öllum dyrum opnum með
því að taka alla þá stærðfræði og
eðlisfræði sem var í boði og gekk
það alveg þokkalega. Í minning-
unni er það þannig að þegar ég
var á leiðinni upp í háskóla til að
skrá mig í nám var ég ekki enn
búinn að gera það upp við mig
hvort ég ætlaði í verkfræði eða
læknisfræði. Af hverju ég skrif-
aði lögfræði á umsóknina veit ég
ekki en eitt er víst að ég hef ekki
iðrast þess. Kannski var það þannig að ég ætlaði mér alltaf í
lögfræði án þess að vilja viðurkenna það,“ segir Gestur.
Gestur kynntist Margréti Geirsdóttur, eiginkonu sinni,
þegar hann var á öðru ári í Menntaskólanum við Hamra-
hlíð og hún kom inn sem nýnemi í skólann. Margrét og
Gestur eiga fjögur börn. Hólmfríður er elst, fædd árið
1972, Geir er fæddur 1978, Jón Skafti 1981 og yngstur er
Árni, fæddur 1989.
Jón Skaftason, faðir Gests, sat á Alþingi fyrir Fram-
sóknarflokkinn og Gestur gekk í Framsóknarflokkinn sem
ungur maður. Gestur var einnig virkur í háskólapólitíkinni
og sat m.a. í stjórn stúdentafélagsins og í stúdentaráði fyrir
Verðandi.
Skipaður verjandi
Jóns Ásgeirs í Baugsmálinu
„Námið í lögfræði gekk vel og ég
útskrifaðist ásamt rúmlega tutt-
ugu öðrum sem lögfræðingur
árið 1975 en það þætti ekki stór
árgangur í dag. Að náminu loknu
fór ég að leita mér að vinnu en
enginn vildi ráða mig svo að ég
setti bara upp eigin praxís eins
og Tómas Guðmundsson forðum.
Gestur er formaður Golfklúbbs Reykjavíkur og spilaði golf í Grafarholti með Rudy Giuliani, fyrrverandi
borgarstjóri New York, þegar hann kom til Íslands sl. haust í tilefni af 100 ára afmæli Símans.
Elstur fjögurra systkina
Gestur er fæddur á Seyðisfirði 27.
október 1950. Foreldrar hans eru Jón
Skaftason, fyrrverandi alþingismaður og
sýslumaður í Reykjavík, og Hólmfríður
Gestsdóttir húsfrú. Gestur er elstur
fjögurra systkina. Þau eru Helga, bæj-
arstjóri í Fjarðabyggð, Skafti sem starfar
hjá Þróunarsamvinnustofnun Íslands og
Gunnar lögmaður sem starfar með Gesti.
Nafn: Gestur Jónsson.
Fæddur: 27. október 1950.
Maki: Margrét Geirsdóttir bóka-
safnsfræðingur.
Börn: Hólmfríður fædd 1972, Geir
fæddur 1978, Jón Skafti fæddur
1981 og Árni fæddur 1989.
Menntun: Lögfræðingur frá
Háskóla Íslands.
Starf: Hæstaréttarlögmaður,
formaður landskjörstjórnar,
úrskurðarnefndar lögmanna
og Golfklúbbs Reykjavíkur.