Frjáls verslun - 01.04.2007, Síða 76

76 F R J Á L S V E R S L U N • 4 . T B L . 2 0 0 7
Eitt af helstu verkfærum hans er þjónustuþríhyrning-
urinn þar sem kveðið er á um mikilvægi þess að unnið
sé samtímis og samtvinnað með þrjá grundvallarþætti
til að ná árangri: a) stefnu fyrirtækisins, b) kerfi og
skipulag og c) fólkið sem kemur að verðmætasköp-
uninni. Í miðju þessa þríhyrnings er viðskiptavinurinn.
Þetta módel hefur Karl nú þróað í það sem hann kallar
„árangursþríhyrninginn“ sem gegnir lykilhlutverki við
að nálgast árangurstjórnun sem Albrecht nefnir „ferða-
lagið sem skilar framúrskarandi fyrirtæki“. Nánari upp-
lýsingar um Karl Albrecht er að finna á heimasíðunni
www.karlalbrecht.com.
H. Igor Ansoff
- Ansoff módelið
Nafn Ansoffs hringir
bjöllum í huga flestra
s t jórnenda. H. Igor
Ansoff (1918-2002) er oft
nefndur faðir stefnumót-
unarfræðanna. Ansoff
fékk áhuga á rannsóknum
og kennslu í stjórnun
og stefnumótun á sjötta
áratugnum. Hann gaf út
eitt þekktasta rit sitt 1965,
bókina „Corporate Strategy“. Önnur þekkt ritverk eftir
hann eru m.a. „Business Strategy“ (1969), „Strate-
gic Management“ (1979), „New Corporate Strategy“
(1988) og „Implanting Strategic Management“ (1984,
1990).
Eitt algengasta og þekktasta verkfærið í
stefnumótunarfræðunum er kallað Ansoff
módelið. Módelið býður upp á fjóra kosti til
þróunar og vaxtar í starfsemi fyrirtækja. Mód-
elið hefur að geyma tvær víddir. Annars vegar
er vara fyrirtækisins (núverandi og ný) og hins
vegar er markaðurinn sem starfað er á (núver-
andi og nýr). Þessi uppsetning gefur starfsem-
inni fjóra þróunarkosti: a) að auka markaðs-
hlutdeildina, b) stækka athafnasvæðið, c) fjölga
vörum og d) fara í fjölbreytingu („diversification“) þar
sem bæði varan og markaðurinn eru framandi fyrir fyr-
irtækið. Sérstakur greinarmunur er gerður á fjölbreyt-
ingu sem tengist fyrirliggjandi starfsemi á einhvern hátt
og ótengdri fjölbreytingu. Eðli málsins samkvæmt er
óvissa og áhætta af nýrri starfsemi meiri þegar hún er
að öllu leyti nýlunda fyrir stjórnendur og starfsmenn.
Nánari upplýsingar um verk Ansoffs og starf sem unnið
er á grundvelli verka hans er að finna á www.ansoff.
com.
Ansoff módelið hefur á margan hátt staðist tím-
ans tönn. Notkun þess gefur stjórnendum innsýn í
mögulega þróunarkosti í starfseminni og bendir á atriði
sem snerta vöxt, samkeppnisforskot og samlegðaráhrif í
starfsemi fyrirtækisins.
Stephen R. Covey
- Venjurnar 7 til árangurs
Bækur eftir Stephen R. Covey (f. 1932) hafa farið sig-
urför um heiminn á undanförnum árum. Alls hefur
hann gefið út á annan tug bóka. Ein sú þekktasta
er „The Seven Habits of Highly Successful People“
(1989). Önnur vel þekkt bók er „Principle-Centered
Leadership“ (1991). Nýjasta bókin hans er „The 8th
Habit“ sem kom út 2004. Hér á landi eru námskeið og
þjálfun á grundvelli kenninga Coveys í boði hjá Stjórn-
endaskóla Háskólans í Reykjavík.
Í fyrstnefndu bókinni er fjallað um venjurnar sjö
sem auðveldað geta stjórnendum að ná árangri. Þessar
venjur eru einkenni góðra stjórnenda. Sem árangurs-
ríkur stjórnandi þarf viðkomandi að temja sér atferli
sem markast af eftirfarandi grundvallaráherslum: a) Þú
ert forsjáll og velur leiðina sjálfur; b) þú skoðar endinn
í upphafi, hefur skýra sýn og sterk gildi; c) þú setur
mikilvæga hluti í forgang, jafnvel þótt þeir séu ekki
áríðandi núna; d) þú velur lausnir sem skila ávinningi
S T J Ó R N U N
H. Igor Ansoff.
Eitt algengasta og
þekktasta verkfærið í
stefnumótunarfræðunum
er kallað Ansoff módelið.
Módelið býður upp á fjóra
kosti til þróunar og vaxtar
í starfsemi fyrirtækja.
Stephen R. Covey.
H. Igor Ansoff.