Tímarit Máls og menningar - 01.09.1963, Qupperneq 82

Mál og menning
íélacsútgáfan. Þegar er komið út nýtt bindi af Mannkynssögu. Máls og menningar, og
mun það nú vera komið í hendur flestum félagsmönnum. Eftir því sem okkur er bezt
kunnugt hefur bókinni verið vel tekið af félagsmönnum, og áhugi þeirra á þessu ritverki
eykst eftir því sem fleiri bindi koma út. Eftirspurn eftir fyrri bindunum hefur aukizt, og
er leitt að fyrsta bindið er þrotið. Aunað bindið er einnig langt til uppselt, og verður því
óhjákvæmilegt að gefa þau bindi út í nýrri útgáfu áður en langt um líður.
Aðrar félagsbækur í ár, auk Tímaritsins, verða Blómin í ánni, saga frá Hiroshima, eftir
sænsk-ameríska skáldkonu, Editu Morris, þýdd af Þórarni Guðnasyni, — og nýtt hefti í
myndlistarbókaflokki Máls og menningar, um spænska málarann Goya. Munu þessar bæk-
ur koma út í nóvember.
Utgáfa Heimskringlu. I vor kom út fjórða bindið af Jóhanni Kristófer, hinni vinsælu
skáldsögu Romains Rollands. Er þá aðeins eftir eitt bindi verksins, og er ætlunin að það
komi út árið 1965, en þá vill svo til að öld er liðin frá fæðingu Rollands. Félagsmönnum
skal bent á að enn eru til nokkur eintök af verkinu í heild, og kostar það félagsmenn í
skinnbandi aðeins kr. 667,50 að viðbættum söluskatti.
Einnig kom út í vor Hundabœrinn eða Viðreisn ejnahagslífsins, Ijóð og sögur eftir ung-
an höfund, Dag Sigurðarson.
Nokkrar bækur sem Heimskringla gefur út eru nú í prentsmiðju. Má þar nefna aðal-
jólabók útgáfunnar í ár. Eru það frásagnir af sægörpum og aflamönnum, skrásettar af
fimm rithöfundum: Ása í Bæ, Indriða G. Þorsteinssyni, Stefáni Jónssyni fréttamanni, Bimi
Bjarman og Jökli Jakobssyni. Jónas Árnason er ritstjóri bókarinnar sem verður prýdd
mörgum glæsilegum myndum. Þessi bók mun að öllum líkindum koma út um mánaðamót-
in október-nóvember.
Þá er væntanlegt innan skamms síðara bindið af Ritgerðum Maó Tse-tung, en fyrra
bindið kom út hjá Heimskringlu árið 1959. I þessu bindi eru fjórtán ritgerðir, flestar frá
árunum 1945—1949, og er í bókinni að finna mikla fræðslu um þá pólitík og þær baráttu-
aðferðir sem leiddu kínversku byltinguna til sigurs haustið 1949. Þeim sem gerast áskrif-
endur að Ritgerðum Maós fyrir 1. nóvember er gefinn kostur á að fá þær við mjög hag-
stæðu verði, eða II. bindið eitt sér á kr. 140,00 ób. og kr. 170,00 ib., en bæði bindin saman
á kr. 240,00 ób. og kr. 280,00 ib. Áskriftir skal senda til Heimskringlu, Laugavegi 18,
Reykjavík, og verður bókin þá send áskrifendum í póstkröfu strax og hún kemur út.
Ný útgáfa er væntanleg af hinni vinsælu bamabók Olafs Jóhanns Sigurðssonar, Um
sumarkvöld; smásögur eftir hinn unga og efnilega rithöfund Guðberg Bergsson, og nokkr-
ar fleiri bækur eru á leiðinni þó ekki sé hér getið.
272