Tímarit Máls og menningar - 01.09.1978, Side 84

Tímarit Máls og menningar
fyrir sér hvað þeir ætluðu að gera ef vélin rúllaði af stað með hálfan væng
og eitt hjól. Kannski ætluðu þeir bara að fljúga yfir Esjuna og aftur til
baka.
Uti á ytrihöfn dómollaði hvítt skemmtiferðaskip og það var verið að
ferja á land túrista. Þeir stóðu á hafnarbakkanum eins og fólk sem er ný-
komið til Himnarxkis nema þessir voru búnir að borga fyrir sig og voru
kröfuharðir á svipinn.
Uti í Orfirisey voru bátslík morandi af krökkum í sjóræningjaleik. Maður
og kona komu labbandi eftir gömnni og fengu dmllumjúkar gorkúlur í
hausinn. Maðurinn öskraði á þau að ríða ömmu sinni en konan tíndi úr
hárinu á sér. Þetta var ein af þessum konum í bláu popplínkápunum.
Hún tók af sér skóinn og hvolfdi úr honum möl. Maðurinn saup á brenni-
vínsflösku sem fylltist af sólskini um leið og hann bar hana að vörunum
og sólskinið flæddi upp í hann. Rak síðan flöskuna í konuna sem saup
bara pent. Maðurinn fór úr jakkanum, fleygði honum yfir öxlina, tók utan
um konuna og þau héldu áfram að ganga út í Orfirisey.
Olíugeymarnir stóðu þungbúnir eins og lögregluþjónar, blixfullir af olíu,
en kríurnar hellm sér gargandi yfir manninn og konuna eins og þær vissu
hvað stæði til og vildu koma í veg fyrir það. Konan setti svarta handtösku
ofan á hausinn á sér en maðurinn ögraði þeim með glansandi skallanum.
Þórbergur Þórðarson kom labbandi eins og Sjaplín í frakka með staf og
hélt að hann væri eins og Sigfús Blöndal. Kríur og gorkúlur námu staðar
í loftinu á meðan hann gekk framhjá.
(1972)
302