Tímarit Máls og menningar - 01.09.1978, Qupperneq 110

Tímarit Mdls og menningar
ekki. Við áttum að lesa eftir þær í skól-
unum ekki síður en Gunnar Gunnars-
son, Hagalín og Indriða G., en við feng-
um það ekki. Þessum konum var stolið
frá okkur.
í síðasta hlutanum eru sex sögur sem
voru skrifaðar sérstaklega fyrir bókina.
Þar eru þekktari stærðir en í miðhluta,
konur sem hafa borið uppi bókmennt-
irnar í landinu eins og Svava og Jakob-
ína, ungar vaxandi konur eins og Nína
Björk, Valdís og Magnea, og „nýir höf-
undar á gömlum grunni“ svo stolið sé
kosningaslagorði, sú yngsta og besta af
þeim öllum, Líney Jóhannesdóttir. I
þessum hluta er margt sem gleður sinn-
ið þótt ekki verði það nánar útlistað.
Það eru auðvitað margir höfundar
sem hefði verið gaman að sjá í viðbót
í þessari bók. Það er nærri því ljótt að
nefna nöfn, en ég get ekki stillt mig um
að ljóstra því upp að af grónum höf-
undum sakna ég sérstaklega þeirra Erlu
og Vilborgar Dagbjartsdótmr. Vilborg
á að vísu ljóð í bókinni, en hún lumar
vafalaust á sögu. Af nýjum höfundum
sakna ég Guðrúnar Helgadóttur. Raunar
trúi ég að það sé góður grundvöllur fyr-
ir því að gefa út annað svona safn —
og einskorða það þá ekki við konur sem
hafa gefið út bækur eins og hér er gert.
Hvernig væri það?
Konur urðu rithöfundar þótt ekki
væri ætlast til þess af þeim, eins og
Helga Kress orðar það. En alltof margar
þessara kvenna hafa hreinlega verið fald-
ar fyrir okkur. Ur því er brýnt að bæta.
Silja Aðalsteinsdóttir.
EINSTAKLINGSÖRLÖG
í SAMFÉLAGSBYLTINGU
Kynning á vísindariti1
Samkvæmt titli og stefnuyfirlýsingu er
ritið félagsfræðilegt, en undirstaða þess
og meginefni er sálfræðiieg rannsókn á
íslenzkum börnum, sem Sigurjón Björns-
son skipulagði og stjórnaði. Ritið hefst
með skýringu á tilgangi slíkra rann-
sókna, sérstaklega í litlu þjóðfélagi eins
og hinu íslenzka, sérstæðu á ýmsan hátt,
enda þótt aflgjafar samfélagsbreytinga,
sem valda vaxandi aðstöðumun þegn-
anna, séu í eðli sínu líkir í stórum og
smáum þjóðfélögum.
I stuttri umsögn minni verður lýsing
á svona margbrotnu efni vitaskuld óná-
kvæm, en ætti þó að vekja hugmynd
um, hve yfirgripsmikið það er og hve
mikils starfs það krefst frá fyrsm skipu-
lagningu, við framkvæmd fjölþættra
einstaklingsbundinna rannsókna, úr-
vinnslu niðurstaðna og loks mat þeirra
og túlkun. Rannsóknarhópurinn er 1100
börn 5—15 ára, 100 úr hverjum fæð-
ingarárgangi, 50 drengir og 50 stúlkur,
hvert barn tekið til rannsóknar sem næst
afmælisdegi sínum, svo að nákvæmlega
12 mánuðir aðskilji árgangana. Slík ná-
kvæmni er nauðsynleg í hverri þeirri
rannsókn, sem beitir mæliaðferðum og
tölfræðilegri úrvinnslu, en þó vantar
hana í mörgum erlendum rannsóknum.
Rétt er að geta þess að rannsóknin er
í raun umfangsmeiri en fram kemur í
1 Sigurjón Björnsson and Wolfgang
Edelstein in Collaboration with Kurt
Kreppner: Explorations in Social In-
equality Stratification Dynamics in
Social and Individual Development
in Iceland. Max Planck-Institut fiir
Bildungsforschung, Berlin 1977.
328