Tímarit Máls og menningar - 01.12.1978, Síða 101

Olnbogabörn skólani
Kennaramiðuð ráðgjöf er ráðgjöf frá einni starfsstétt (sálfræðings) til
annarrar (kennara). Kennarinn sjálfur er sá sem leitar eftir slíkri ráðgjöf
í sambandi við vanda í kennarastarfinu. Þó eru það einkum erfiðleikar
sem eru geðræns og félagssálfræðilegs eðlis. Slík ráðgjöf sækir ekki upp-
runa sinn í sálfræðikenningar sem miða að því að breyta einstaklingnum
sjálfum, heldur í félagssálfræðilegar kenningar þar sem tilgangurinn er
ekki að breyta einstaklingnum heldur því sem fer fram á milli einstaklinga.
Tilgangur sálfræðingsins er þannig að breyta því sem fer fram á milli
kennara og nemanda með það að markmiði að bæta möguleika nemandans
til náms og stuðla að persónulegri þróun hans.
Skilyrði fyrir að veita kennaramiðaða ráðgjöf
Slík ráðgjöf er að sjálfsögðu ekki handa þeim kennurum sem finnst þeir
ekki þurfa leiðsögn við kennarastarfið. En þegar kennara finnst hann þurfa
leiðsagnar við getur vinnan hafist. Mordal bendir hins vegar á að ekki
megi vanmeta hvernig skólinn sem kerfi hafi megináhrif á það sem fer
fram á milli kennara og nemanda.
Skilyrði nr. 1. Skóli, fræðsluyfirvöld og þeir sem fara með ákvörðunar-
vald skólamála verða að viðurkenna og gangast inn á að kennari hafi þörf
fyrir leiðsögn í kennarastarfinu. Ekki er hægt að koma ráðgjöfinni við
fyrr en slíkt er viðurkennt.
Skilyrði nr. 2. Gera þarf samning um ráðgjöfina við hinn einstaka skóla.
Það er nauðsynlegt að ræða niður í kjölinn hvert innihald ráðgjafarþjón-
ustu á að vera. Skólarnir verða að fá afdráttarlaus skilaboð um innihald
þjónustunnar. Þeir geta síðan valið eða hafnað.
Skilyrði nr. 3. Ef skóli og skólayfirvöld samþykkja þörf fyrir kennara-
ráðgjöf og samningur er gerður við hvern skóla, er aðeins eftir að gera
samning við hinn einstaka kennara. Slíkur samningur snýst um:
1) hvaða vandamál á að vinna með,
2) hvaða aðferðir á að nota,
3) hversu oft og lengi skal unnið að vandamálinu,
4) sameiginlegt mat á ferlinu (prósessnum) að lokinni vinnu.
431