Tímarit Máls og menningar - 01.07.1980, Síða 25

Hreyfing meðal farandverkafólks
Nú upp úr miðjum mánuði komu loks þaer fréttir frá VMSI að ákveðið hefði
verið að birta auglýsingu í sem flestum fjölmiðlum um fæðiskostnað á helstu
verstöðvum landsins. Til hvers? Komu þessar ráðstafanir til með að hafa áhrif á
launaumslög farandverkafólks? Farandverkafólki kemur að engu gagni þó aug-
lýst sé í fjölmiðlum hve miklu sé rænt af kaupi þeirra 1 vasa stöðvarvaldsins. Þessi
ráðstöfun hefði hins vegar getað orðið hyggileg ef jafnframt hefðu farið fram
einhverjar samningaviðræður við útgerðarauðvaldið til þess að ná fæðiskostnað-
inum niður, þó ekki væri nema til bráðabirgða fram yfir samninga.
En gott og vel.
Jafnvel þessi ákvörðun Framkvæmdastjórnarinnar um auglýsingaherferð í
fjölmiðlum hefur ekki farið fram. Samt höfðum við loforð fyrir því að þetta yrði
gert fyrir 2 — 3 vikum.
Á 9. þingi VMSÍ var samþykkt að setja 3 manna nefnd um málefni farand-
verkafólks. Þessi nefnd er að okkar mati afar nauðsynleg í viðleitni verkalýðs-
hreyfmgarinnar til þess að ná til farandverkafólks. En því miður hefur sú nefnd
ekki séð dagsins ljós.
Um gagnrýni farandverkafólks á verkalýðsforystuna segir Þorlákur:
Við höfum í málflutningi okkar gagnrýnt VMSI og ASI fyrir að taka ekki
málefni okkar nógu föstum tökum.
Það að verða fyrir gagnrýni, jafnt frá félögum sem andstæðingum, er hlut-
skipti sem baráttuglatt fólk innan verkalýðshreyfingarinnar verður að sætta sig
við. Því hvernig fer um fjöldahreyfmgu þar sem engin gagnrýni yrði leyfð? Slík
hreyfing yrði hræðilegur óskapnaður. Þar eð okkur finnst gagnrýni okkar vera á
rökum reist teljum við hana í raun og veru lofsvert framtak til þess að gera
verkalýðshreyfmguna að lýðræðislegu baráttuafli.
A ráðstefnunni lagði farandverkafólk einnig fram fleiri gögn.
Kröfur okkar innihélt fyllri útskýringar á sumum krafnanna en áður höfðu
birst.
I húsnæðismálum var þess krafist að ný reglugerð gengi út frá og tæki mið af
núverandi reglum um ibúðarhúsnæði, og farið fram á að eftirfarandi atriði yrðu
tryggð:
Að þær verbúðir sem reistar verða á komandi árum verði ekki staðsettar i sama
húsnæði og verksmiðjan sjálf.
Að í öllum verbúðum verði nú þegar komið upp aðstöðu til tómstundaiðkana
þar sem hún er ekki nú þegar til staðar.
Að ekki skuli fleiri en einn búa í hverju herbergi nema viðkomandi óski þess.
151