Morgunblaðið - 25.04.2015, Blaðsíða 81

81
MORGUNBLAÐIÐ LAUGARDAGUR 25. APRÍL 2015
Smáralind | Kringlunni | Reykjanesbæ | sími 511-2022 | www.dyrabaer.is
Stórir, sterkir, umhverfisvænir
Umhverfisvænir
kúkapokar sem
brotna niður á
nokkrum dögum
Umhverfisvænir kúkapokar
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Í þessari ljúfu Ítalíuferð skoðum við okkur um í suðrænum
sveitum landsins, heimsækjum fornar og frægar borgir og
yljum okkur við yndislega Versilíaströndina. Farið verður í
áhugaverðar skoðunarferðir m.a. um borgirnar Pisa, Feneyjar,
Forte dei Marmi,Abano Terme og Mílanó.
Verð: 224.400 kr. á mann í tvíbýli.
Mjög mikið innifalið!
Sp
ör
eh
f.
Fararstjóri: Þóra Valsteinsdóttir
20. - 29. júní
AbanoTerme&Versilíaströndin
Sumar 7
Jón Agnar Ólason
jonagnar@mbl.is
Summer Holiday (1963)
Með framúrskarandi broshýran
Cliff Richard í broddi fylkingar,
dyggilega studdan af The Shadows,
er þessi söngvamynd skínandi dæmi
um sólríka sumarmynd frá sjöunda
áratugnum. Fjórir bifvélavirkjar
hendast í ferðalag um Evrópu á
tveggja hæða Lundúnastrætó. Vita-
skuld pikka þeir upp föngulegar
dömur í Frans, hverra bíll er að nið-
urlotum kominn, ásamt ýmsum fleiri
ævintýrum. Glórulaust en gaman.
Stand By Me (1986)
Tímalaus öndvegismynd eftir
leikstjórann Rob Reiner, byggð á
smásögunni The Body eftir Stephen
King, sem gerist í smábæ í Oregon-
ríki Bandaríkjanna og segir frá fjór-
um drengjum sem afráða að hefja
sumarfríið á því að leggja í svaðilför
og freista þess að finna líkið af sveit-
unga sínum sem týndur hefur verið í
nokkra daga. Þessi gullmoli er bor-
inn uppi af ótrúlega sannfærandi
leik fjögurra ungleikara og þeirra
fremstur er River heitinn Phoenix,
sem fer á algerum kostum.
Roman Holiday (1953)
Ef mynd er leikstýrt af William
Wyler, gerist í sólbakaðri og sjarm-
erandi Róm og skartar Gregory
Peck og Audrey Hepburn í aðal-
hlutverkum á ekki að þurfa frekari
meðmæli. Myndin er líka ómót-
stæðileg saga ungrar prinsessu sem
leiðist ofvernduð og innilokuð tilvera
sín. Kvöld eitt strýkur hún og hittir í
framhaldinu bandaríska blaðamann-
inn Peck og úr verður skemmtileg-
asta reisa til Rómar sem þú munt
nokkurn tíma fara. Hepburn hreppti
að launum Óskarinn fyrir sitt fyrsta
aðalhlutverk.
Do The Right Thing (1989)
Ein besta mynd Spikes Lees
rekur eldfimt sambýli ólíkra kyn-
þátta í Brooklyn-hluta New York-
borgar sumar eitt þegar hitinn ætlar
allt lifandi að drepa. Ógrynni topp-
leikara skilar sínu með glans, ekki
síst hinn frábæri Giancarlo Esposito
sem leikur hinn eiturpirraða Buggin’
(sem á fátt skylt við hinn yfirvegaða
Gus Fring sem hann leikur í Break-
ing Bad). Upp úr sýður er kvölda
tekur og ljóst að tilveran er önnur er
dagur rís. Allt í senn; fyndin, tragísk
og umfram allt einkar áhrifamikil.
Deliverance (1972)
Ekki heppileg mynd til kynn-
ingar á flúðasiglingum en aldeilis
frábær óbyggðatryllir um fjóra bis-
nessmenn frá Atlanta sem ætla að
skilja jakkafötin eftir eina helgi og
sigla niður Cahulawassee-ána áður
en hún verður stífluð og hverfur í
uppistöðulón. Fjórmenningarnir bú-
ast við þolraun en gera ekki ráð fyrir
að lenda í baráttu upp á líf og dauða
við brenglaða fjallabúa sem virða
engin lög. Þessi hörkuspennandi
mynd verður betri með árunum og
er öðrum þræði áminning til okkar
um að raska ekki náttúrunni um of –
þá fer illa.
 Sumardagurinn fyrsti var í fyrradag en veðursældin þó ekki í hendi frekar en fyrri
daginn  Það sakar aldrei að hverfa inn í heim kvikmyndanna til að upplifa sumarfrí ef
tíðin er rysjótt  Af ótalmörgu er að taka – spennu, rómans, drama og gamani.
Andstæður Radio Raheem, hinn ötuli spilari á allsherjaróvininum Public
Enemy, útskýrir hina endalausu glímu ástar og haturs í heimi hér.
Draumapar Þar sem Gregory Peck og Audrey Hepburn rúlla um á vespu
saman, þar er gaman. Ekki síst ef vettvangurinn er borgin eilífa, Róm.
Æskuvinir Þeir Gordie, Chris, Teddy og Vern leggja í hann í Stand By Me og ræða á leiðinni lífsins gagn og nauð-
synjar, svosem kirsuberja-Pez sælgæti og hvaða dýrategund Guffi er. Sumarbíó sem tapar ekki töfrunum.
Óbyggðaraunir Margt býr í fjöll-
unum og fráleitt allt er það gott.
Sumarið sótt í bíómyndirnar
Krúttlegheit
Þau sem horfa
eftir saklausari
tímum ættu að
kíkja á Summer
Holiday og
syngja með.