Dagblaðið Vísir - DV - 28.11.2008, Side 28

Föstudagur 28. nóvember 200828 Helgarblað
Nóg er af skúrkum í íslensku samfélagi þessa dagana þótt enginn vilji axla ábyrgð á því hvernig komið
er nema almenningur. En einhvers staðar hljóta hetjurnar að vera. Fólkið sem rétti fram hjálparhönd
eða sýndi fordæmi á þessum síðustu og verstu tímum. DV tók saman lista yfir nokkrar af helstu hetjum
kreppunnar það sem af er.
Kóngurinn heldur
áfram með lífið
Kóngur Íslands, bubbi morthens, hefur lagt sitt af mörkum
í kreppunni. bubbi er með það markmið að fá þjóðina til
að gleyma ekki mikilvægi þess að standa saman á erfiðum
tímum og hóf leikinn með tónleikum á austurvelli
áttunda október en söðlaði svo um og sló upp stórtónleik-
um í Laugardalshöllinni undir yfirskriftinni Áfram með
lífið. gott framtak þetta hjá kónginum. auk þess er hann
ófeiminn við að láta ráðamenn þjóðarinnar fá það
óþvegið á bloggi sínu.
Talsmaður almennings
Lárus Páll birgisson sjúkraliði er ein af hetjum hrunsins
en hann kom fram, óþekktur, á sjónarsviðið fyrir stuttu
með kraftmikla og innihaldsríka ræðu á mótmælafundi
við austurvöll. ræða hans fékk góðar undirtektir en þar
talaði hann ófeiminn um það hversu mikla ábyrgð
ríkisstjórnin ber á ástandi landsins. Lárus var gerður að
manni dagsins í dv fyrir stuttu fyrir vikið, og má alveg
eins búast við því að hann láti á sér kræla aftur. Hann er
alls ófeiminn.
Hörður hinn
hugrakki
Hann hefur barist fyrir mannréttindum
frá unga aldri. allt frá réttindum
samkynhneigðra til mannréttinda heillar
þjóðar sem nú er fórnarlamb alvarlegrar
kreppu. Á tímum sem þessum er gott að
vita til þess að þjóðin á mann eins og
Hörð torfason sem staðið hefur í
fylkingarbrjósti þeirra sem mætt hafa á
vikulega mótmælafundi á austurvelli
síðustu laugardaga. Í viðtali við Hörð í dv
nýverið kom fram að hann er oft kallaður
kletturinn af sínum nánustu sökum þess
hve auðveldlega hann tæklar gagnrýni
og mótbyr. eitt besta dæmi þess er
þegar söngvaskáldið hugrakka sagði
fyrstur Íslendinga frá því opinberlega, í
viðtali í samúel um miðjan áttunda
áratuginn, að hann væri samkynhneigð-
ur. Hörður er klárlega ein af hetjum
kreppunnar miklu 2008.
Skeindu alþingis-
mennina
Þeir máni og Frosti sem stjórna útvarpsþætt-
inum Harmageddon hafa svo sannarlega
látið í sér heyra í kreppunni. Þeir hlífa engum
og tala hreint út um stöðuna í þjóðfélaginu
eins og hún er í dag. ekki nóg með að þeir láti
ríkisstjórnina heyra það í útvarpsþætti sínum
heldur gaf X-ið 977 líka hverjum sem vildi
klósettrúllur til að setja á tröppurnar við
alþingishúsið í þeim tilgangi að skeina þessa
alþingismenn.
Heimtar kosningar
Kolfinna baldvinsdóttir sneri heim fyrir tveimur
árum eftir margra ára dvöl erlendis. Íslenskt
samfélag eins og hún þekkir það var gjörbreytt
og leist henni ekki á stöðuna. Á afmælisdegi
Kolfinnu, sjötta október síðastliðinn, hrundi
íslenska hagkerfið og síðan þá hefur rödd
Kolfinnu verið há. Hún ásamt öðrum mótmæl-
endum hefur leitt vikuleg mómæli við
austurvöll ásamt öðru góðu fólki. Kolfinna vill
kosningar og það sem fyrst. „Það er eina tækið
sem við höfum til að ná kröfum okkar fram,“
sagði Kolfinna í viðtali við dv á dögunum.
Finnska leiðin
hræðileg
sigurbjörg Árnadóttir er ein þeirra
sem hafa haldið ræður á austurvelli
og mótmælt stjórnvöldum
kröftuglega. Henni blöskraði þegar
ráðamenn töluðu um að fara finnsku
leiðina út úr kreppunni en
sigurbjörg bjó í Finnlandi á meðan
kreppan þar var sem verst. Hún
sagði söguna eins og hún var í raun
og veru þar sem raðir fyrir utan
hjálparstofnanir voru hundruð
metra, fólk missti vitið og sjálfsvirð-
inguna og eiturlyf gerðu innreið sína
í Finnland áður en ástandið batnaði.
Finnska leiðin hafi því ekki verið
skjót og örugg eins og margir virðist
halda. Þvert á móti brenndi þjóðin
sig illa og sýpur enn seyðið af því.
Hrópandinn í orðaeyðimörkinni
einar már guðmundsson rithöfundur óð inn á vígvöll efnahagshrunsins með
magnaðri grein í morgunblaðinu skömmu eftir að hið kapítalíska Ísland gekk á
fund feðra sinna, hnípið á svip. grafarvogsskáldið virta færði þar í orð skoðun
sína og fjölda annarra landa sinna á atburðarásinni og setti í sögulegt og
hugmyndafræðilegt samhengi á svo skarpan og alþýðlegan hátt að þeim sem
lásu, með kreppuhræðsluskjálfta í kroppnum, leið betur. Loksins steig fram
maður sem talaði um ástandið bæði af kunnáttu og skýrleika. ef vilhjálmur
bjarnason er hrópandinn í talnaeyðimörkinni er einar már hrópandinn í
orðaeyðimörkinni. einar hefur enda fengið heila blaðsíðu út af fyrir sig í
mogganum með viku millibili eða svo frá því fyrsti hlemmurinn birtist. maðurinn
sem gert hefur líf hinna geðsjúku, hinna fíknisjúku og hinna frelsissviptu að
minnsta kosti ögn skiljanlegra fyrir íslenska meðaljóninn með skáldverkum
sínum gerir líf, fortíð og hugsanlega framtíð íslenska meðaljónsins nú ögn
skiljanlegri fyrir honum sjálfum. vonandi lesa stjórnvöld einnig greinar einars.
Hetjur kreppunnar