Árbók Hins íslenzka fornleifafélags - 01.01.2010, Page 109

108 ÁRBÓK FORNLEIFAFÉLAGSINS
norðan við kirkjugarðsvegginn og hefur því verið norðarlega í garðinum.
Hún gæti því verið ein af yngstu gröfunum í garðinum sé reiknað með því
að kirkjan hafi staðið fyrir miðju garðs og að fyrst hafi verið grafið upp við
hana eins og víða hefur tíðkast. Gröfin var um 80 sm djúp og þar af voru
50 sm niður í melinn. Greinilegt var að gröfin hefur verið tekin í gegnum
gjóskulagið frá 1104 en ofan þess var svo torf lag með 1104-laginu í sem
kann að vera samskonar uppfyllingarlag og fundist hefur í f leiri görðum.
Þunnt lag af náttúrulegum jarðvegi lá á milli melsins og 1104-gjóskunnar
og hefur garðurinn verið ærið torgræfur. Mölin í grafarfyllingunni var
gróf auk þess sem beinagrindin lá beint ofan á möl og kann það að skýra
lélega varðveislu hennar.
Steinsstaðir í Tungusveit
Jörðin Steinsstaðir í Tungusveit er landnámsjörð og þar bjó Hreiðar
Ófeigsson samkvæmt Landnámabók.33 Í Jarðabók Árna Magnússonar og
Páls Vídalín frá 1713 er getið um Steinsstaði ytri og Steinsstaði syðri, en
þá er um sömu jörðina að ræða með jarðardýrleika 30 hundruð.34 Þar var
búið fram til 1943 en þá fór jörðin í eyði.35
Mynd 7. Yfirlit yfir svæðið þar sem kirkjugarðurinn á Steinsstöðum liggur. Mannabein
fundust við framkvæmdir við hvítu tengistöðina sem sést vinstra megin vegar og liggur garður-
inn að hluta undir veginn. Ljósmynd: Guðný Zoëga.