Valsblaðið - 01.05.2014, Side 14

14 Valsblaðið 2014
Eftir Sigurð Ásbjörnsson
Í ágúst sem leið keppti íslenska U-18
landsliðið í úrslitakeppni Evrópumeist-
aramótsins í handbolta. Liðið hafði sett
sér það markmið að komast upp úr riðla-
keppninni en þar sem liðið byrjaði frem-
ur illa þá tókst það ekki. En góður stíg-
andi tryggði liðinu sæti á úrslitakeppni
HM í Rússlandi. En sú keppni fer fram
næsta sumar. Valur átti tvo leikmenn sem
spiluðu á mótinu. Þá Sturlu Magnússon
(f. 1996) og Ómar Inga Magnússon (f.
1997). Sturlu er óþarft að kynna þar sem
hann hefur haldið til á Hlíðarenda frá því
að hann sleppti snuðinu. Ómar Ingi er
fæddur og uppalinn á Selfossi en gekk til
liðs við Val í sumar. Strangt til tekið er
Ómar í þriðja flokki en hann mun spila
stærra hlutverk með öðrum flokki og
meistaraflokki heldur en jafnöldrum sín-
um. Þeir sem stóðu í þeirri trú að framlag
Selfyssinga til samfélagsins takmarkaðist
við hestburði af mjólkurafurðum og flat-
kökum eru hvattir til að endurskoða af-
stöðu sína. Ómar Ingi verðskuldar í það
minnsta að menn gefi honum auga. Þar
er mikið efni á ferðinni.
Blaðamaður Valsblaðsins greip þá
félaga á leið á meistaraflokksæfingu til
að forvitnast aðeins um mótið og
næstu verkefni.
Hvernig var undirbúningnum fyrir
EM háttað?
Við æfðum sitt í hverju horni framan af
sumri en byrjuðum sameiginlegar æfing-
ar um mánuði fyrir mót. Við höfðum
reyndar æft saman um eina helgi í júní
og spiluðum æfingaleiki. Það stóð reynd-
ar til að spila fleiri æfingaleiki en þeir
fyrstu gengu það vel að það þurfti ekki
að fjölga þeim. Fyrst og fremst vorum
við í boltaæfingum en í byrjun var mikið
af hlaupaæfingum og síðan fengum við
lyftingaprógramm sem við áttum að
fylgja sjálfir.
En er einhver keppnisreynsla í hópn-
um?
Þessi hópur hefur farið á æfingamót til
útlanda og spilað æfingaleiki en þetta var
fyrsta stórmótið.
Hvar var spilað og hvernig var aðstað-
an þar sem þið spiluðuð?
Mótið var í fjórum riðlum. Okkar riðill
var spilaður í Gdansk. Völlurinn var í
húsi sem var mun minna en Vodafone-
höllin en svipuð að stærð og mörg húsin
sem við spilum í heima.
Hvernig er að mæta þessum erlendu
landsliðum? Er þetta samansafn af
tröllkörlum?
Nei alls ekki. Það er auðvitað slæðingur
af bráðþroska leikmönnum innan um en
alls ekki þannig að maður sé sleginn út af
laginu. En við vitum alveg hver munur-
inn er á okkar strákum og t.d. þeim
dönsku og þýsku. Hann er sá að við spil-
um mun örar og fleiri leiki sem helgast af
því að flestir íslensku strákarnir spila með
tveimur flokkum. En hinir hafa lengri
tíma á milli leikja sem þeir nýta í lyfting-
ar. Þeir eru því líkamlega sterkari en við
þurfum að vinna í því að ná þeim þar.
Höfðuð þið í landsliðinu gert ykkur
einhverjar vonir fyrirfram um sæti?
Nei. Við þekktum ekki nema hluta af lið-
inum og svo gerist það alltaf að einhverj-
ir nýir óþekktir leikmenn dúkka upp. Við
höfðum að vísu sett okkur það markmið
U18 ára landsliðið tryggði
sér sæti í úrslitakeppni
HM í handbolta 2015
Sturla og Ómar Ingi.
að fara upp úr riðlinum, en því miður
tókst það ekki. Það má segja að fyrri
hálfleikurinn á móti Sviss hafi eyðilagt
tækifærið fyrir okkur. Þetta var okkar
versti hálfleikur á mótinu og hann reynd-
ist okkur dýr. Síðan gerðum við jafntefli
gegn Svíum í leik sem við áttum að
vinna.
En þrátt fyrir að hafa ekki náð fyrsta
markmiðinu um að komast upp úr
riðlakeppninni þá komst liðið á HM.
Hvenær er það og hvað þýðir það?
Verðið þið orðnir of gamlir fyrir það
mót?
HM verður í Rússlandi næsta sumar og
við förum ef við verðum valdir í lið hér
heima. Þessir árgangar, 1997 og 1996,
fylgjast að í gegnum mótin en HM mótið
í Rússlandi verður U-19. Undirbúningur
er byrjaður og í september var kallaður
saman 28 manna hópur til að æfa í vetur
og síðan kemur í ljós í vor hverjir fara út.
En þó svo að hópurinn sé svona stór þá
geta menn enn þá bæst við og dottið út
úr honum.
Valsblaðið þakkar þeim Ómari Inga og
Sturlu fyrir samtalið og upplýsir lesendur
í leiðinni að Ýmir Örn Gíslason er þriðji
Valsarinn sem er í undirbúningshópnum
fyrir HM þó svo að hann hafi ekki komið
við sögu á EM. Við óskum þeim öllum
góðs gengis.
Ýmir Örn.