Valsblaðið - 01.05.2014, Síða 36

36 Valsblaðið 2014
Starfið er margt
Í símtalinu greindi Evert frá því að á undanförnum árum hefði
hann unnið að því í frístundum að koma upp nokkurs konar
Valsminjasafni í bílskúr og langaði að kynna það í Valsblaðinu.
Við Evert mæltum okkur síðan mót í bílskúrnum og sýndi hann
mér safnið sem gaman er að skoða og fræðast um munina og
söguna á bakvið þá. Í safninu eru myndir úr starfinu, fjöldi Vals-
búninga frá ýmsum tímum, sumir áritaðir, leikskrár, Valsblöð,
liðsmyndir og teikningar svo dæmi séu tekin. Aðspurður um
tengsl sín við Val þá sagðist Evert hafa flutt í Blönduhlíðina
1957 og fljótlega gengið í Val og verið þar félagi síðan. Hann
segist hafa æft og spilað nokkuð með félaginu en fer ekki hér
nánar út í þá sálma. Hann segist einnig hafa setið í stjórnum
bæði knattspyrnudeildar og handknattleiksdeildar. Einnig hefur
hann verið sjálfboðaliði á Hlíðarenda í meira en þrjá áratugi og
segist á þessum árum hafa eignast fjöldamarga vini og kunn-
ingja í félaginu. Til fróðleiks má geta þess að hann stendur vakt-
ina ásamt fríðum hópi sjálfboðaliða á öllum heimaleikjum Vals í
handbolta.
Í safninu er einnig innan um ýmislegt sem tengist enska
knattspyrnufélaginu Liverpool, en Evert er eindreginn stuðn-
ingsmaður félagsins og hefur ósjaldan farið á leiki á Anfield í
gegnum tíðina.
Evert vill koma því á framfæri að hafi menn áhuga á að skoða
safnið þá er best að hafa beint samband við hann og er hann til-
búinn að taka á móti gestum og sýna safnið. Síminn hjá Evert er
899 0123 eða 554 0885. Ég hvet fólk til að kíkja á þetta áhuga-
verða safn við tækifæri. Meðfylgjandi eru nokkrar myndir sem
Guðlaugur Ottesen Karlssen tók í safninu í haust.
Guðni Olgeirsson tók saman
Athyglisvert Valsminja safn í
bílskúr á höfuðborgarsvæðinu
Evert Evertsson Valsari til margra áratuga hefur á undanförnum
árum unnið að minjasafni sem er aðallega helgað Knattspyrnufélaginu
Val. Á haustmánuðum hafði samband við ritsjóra Valsblaðsins
Meistaraflokkur kvenna í handknattleik
Íslandsmeistarar og bikarmeistarar
2007. Evert heldur á treyju Önnu
Úrsúlu og í rammanum er treyja
Hrafnhildar Óskar Skúladóttur.