Valsblaðið - 01.05.2014, Side 107

Valsblaðið 2014 107
Starfið er margt
Ég hafði farið á allmörg herrakvöld sem
Lions og Kiwanisklúbbar héldu og ætlað
var að afla viðkomandi klúbbum fés og
styrkja félagsskapinn. Hvoru tveggja
virtist ganga ágætlega og svo sannarlega
gat orðið býsna kátt á þessum samkom-
um. Þegar peninga vantaði inn í körfu-
boltadeild Vals sem ég hafði veitt for-
mennsku fyrir frá haustinu 1979 þá
fannst mér upplagt að sameina þetta
tvennt, hóa saman gömlum félögum og
afla peninga í leiðinni. Það er einmitt at-
hyglisvert að þrátt fyrir þá staðreynd að
aðeins þjálfari liðsins þáði laun gat rekst-
urinn verið strembinn. Niðurstaðan var
sú að fyrsta herrakvöld Vals varð að
veruleika, fyrsta föstudaginn í nóvember
1983.
Heimatilbúin dagská, ræða, galdrar
og söngur
Svokallaður tannlæknasalur í Síðumúla
var leigður undir samkomuna og var að-
sókn góð. Lagt var upp með að engin að-
keypt atriði væru á dagskrá, aðeins
heimatilbúin. Dagskrá kvöldins var eftir-
farandi; ræðumaður kvöldsins Pétur
Sveinbjarnarson, galdrar Benedikt Bach-
mann og Þorsteinn Sívertsen og söngur/
leikur Sigurður Marelsson. Sigurður stóð
sig afar vel í sínu hlutverki og klæddi sig
í peysuföt við tilefnið. Þrátt fyrir æfingu
kvöldið áður náði galdradagskráin aldrei
þeim hæðum sem bundnar voru við
hana. Nógu flottir voru þeir félagar Bósi
og Skossi svartklæddir í skrautlegum
skikkjum með pípuhatta en strax í opn-
unaratriðinu komu fram brestir. Skossi
steig inn á sviðið og greip kampavíns-
glasið eins og æft hafði verið, dreypti á
kveikjarabensíninu sem var í glasinu en í
fáti kyngdi Skossi vökvanum og þegar
kom að því að spíta á logandi kertið og
framkalla blossa, þá hreinlega skyrpti
Skossi á kertið og það slokknaði snarlega
á því. Næsta atriði átti að innihalda kan-
ínu sem náð hafði verið í. Að beiðni
Skossa var ákveðið að fella þetta atriði
niður og átt kanínan afar slæma vist í
pappakassa inni í kompu þar til við þrif-
um daginn eftir og var hún þá nær dauða
en lífi. Bósi bjargaði eftir bestu getu at-
riði þeirra félaga en Skossi var bæði
flottur og ómissandi þrátt fyrir allt. Um
ræðu Péturs segir fátt enda var hún á
heimatilbúnu táknmáli.
Vel heppnað fyrsta herrakvöldið
gaf tóninn
Samkoman skilaði ágætist afkomu og
góðri skemmtun og margir voru duglegir
að versla á barnum en enginn þó eins og
Hrafn Bachmann sem keypti flöskur ótt
og títt sem hann dreifði á borðin af
handahófi. Hrafn drakk ekki þá frekar en
fyrr og síðar en hann gerði sér vel grein
fyrir að kvöldið væri til fjáröflunar og lét
ekki sitt eftir liggja. Ég hafði nefnt það
við stjórn Vals þegar ég sótti um leyfi til
að halda þetta fyrsta herrakvöld að ég
teldi að þetta ætti framtíðina fyrir sér og
sagði strax að ég tryði því að fyrsti föstu-
dagurinn í nóvember yrði herrakvölds-
dagur til framtíðar, það hefur reynst svo.
Eftir þetta fyrsta herrakvöld hvatti ég
önnur félög óspart til að gera það sama
og fljótlega fóru aðrir í gang.Það er erfitt
að fullyrða það en að öllum líkindum var
þetta fyrsta herrakvöld íþróttafélaga á Ís-
landi.
Halldór Einarsson (Henson) tók saman
Fyrsta
herrakvöld
Vals 1983
Jafnframt fyrsta herrakvöld
íþróttafélaganna
Halldór Einarsson (Henson) segir söguna um
fyrsta herrakvöld Vals í forpartíi í Hensonverk­
smiðjunni fyrir herrakvöldið í haust.