Són - 01.01.2003, Side 22

GÍSLI HALLDÓRSSON Í KRÓKI22
1 Ljóðið er þýtt úr esperanto en það birtist í Pola Esperantisto 1912.
Skammt frá læknum við kvöddumst í kvos
og þú kvaðst ganga burtu þinn veg.
Handan fjallsins þín fegurstu bros
hafa fölskvast — og hérna stend ég.
Kvöldkyrrð
Þýðing á ljóði eftir pólska skáldið Julius Kriss1
Nú af himni er röðullinn runninn,
hvarf í rauðgullna purpurahöll.
Lystigarðinn með blóm sín og brunninn
svæfir blærinn. Á húmdökkan grunninn
ritar næturvers náttúran öll.
Milli trjánna og blómanna teygjast
geislar tunglsins líkt snákum að sjá.
Þeir í grasinu síkvikir sveigjast
meðan sindrandi droparnir fleygjast
eins og gljáperlur gosbrunni frá.
Breiðist þögn yfir garðinn, nú greinist
aðeins gutlandi dropanna hljóð.
Lágvært hvísl milli blómanna beinist,
innst í brjóstinu dulmögnuð leynist
einhver rödd, meðan rennur vort blóð.