Són - 01.01.2003, Síða 46

ÞÓRÐUR HELGASON46
lofsælum leyfa
ljóðstöfum þjóð.
Frelsis-vin frjálsi!
frónbyggja dyggra
prúðhuga hlýð á
hljóðfagran óð.
Þess má geta að Benedikt Gröndal Sveinbjarnarson lofsöng Íslands
sverð og skjöld undir sama hætti þótt ekki yrði hann svo dýr sem hjá
Matthíasi enda lék það enginn eftir.13
Matthías vissi einnig af OOOoOOOo-gerðinni í „Minni gest-
anna“:14
Velkomnir, gestir,
og göfugu vinir,
heilir til Íslands
handan um sjá!
Hræðist ei eld vorn,
örbirgð né jökla;
hér bærast hjörtu,
hér lifir sál.
Þessi háttur var stundum sýndur með breyttri uppsetningu og
þá með öðrum línufjölda en algengast var, t.d. sex línum. Líklega
er fyrsta dæmi þess að finna hjá Benedikt Gröndal í „Minni Íslands“
og fer hann þá talsvert að minna á rímað afbrigði ljóðaháttar.
Vissulega er þetta einungis uppsetningaratriði en þó allrar athygli
vert:15
Fannhvíta móðir!
Fjöllin þín standa,
lauga sig alltaf ljómandi sæ!
Kaldur er jökull,
kennir ei varma
suðrið þó veki vorlegan blæ!
13 Benedikt Gröndal Sveinbjarnarson (1900:214–216).
14 Matthías Jochumsson (1936:4).
15 Benedikt Gröndal Sveinbjarnarson (1985:96).