Són - 01.01.2003, Side 50

ÞÓRÐUR HELGASON50
Ég stækka núna,
ég verð stór í sumar!
Og þú systir,
þú ert að stækka.
Blómin stækka
og berin stækka
— Það er barn að vaxa
innan í mömmu.
Fjölmargar tilraunir hafa verið gerðar eins og sjá má. Stephan G.
Stephansson prýðir sinn hátt innrími þversetis og langsetis auk enda-
ríms í „Símritað. Íslendingadags kveðja“:25
Að útheims endum
til Íslendinga
um leiðir sendum
við ljós-hreyfinga
frá strönd að strönd
um storð og lög:
vor handabönd,
vor hjartaslög.
Hér sjáum við hendingarnar end/-lend-/send-/strönd/strönd/hand- og
-bönd.
Í nánum tengslum við fornyrðislag er gullfallegur háttur sem er
smíð Bjarna Thorarensens. Kannski má kalla hann Bjarnahátt. Augljóst
er að hátturinn á sér nokkurn aðdraganda þar til hann er fullmótaður,
í ljóðinu „Solveig Bogadóttir“. Hér er fyrsta erindi ljóðsins:26
Nú fór vor Solveig til sólar
um sæluhlið anda,
og reið um grindurnar gullnu
til Gimla kongs hallar;
þó fagurlagaðir limir
sje lagðir í moldu
og jörð gæfi hún jarðar,
í jörðu er hún ekki.
25 Stephan G. Stephansson (1953:176).
26 Bjarni Thorarensen (1947:125).