Són - 01.01.2003, Side 55

ÁFANGAR 55
Bragi Sigurjónsson birtir sína gerð í ljóðinu „Hausttregi“ í bókinni Á
veðramótum:38
Ágústdag man ég,
ilmhöfug var síðslægja,
heimur helgitiginn
á húmgu kveldi.
En söngur var hljóðnaður,
sofnaður andvari
notið hafði verið yndi alls.
Hið sama gerir Kristján frá Djúpalæk í „Björk“ þar sem síðustu þrjár
línurnar mynda hálfan ljóðahátt:39
Veit ég frost,
veit byl,
veit og himinsins
heiðríkjudjúp,
eilífðarbláma
ofar skógi.
Þangað er þrá mín öll.
Reyndar má segja sem svo að ef þriðja og fjórða lína væru felldar
saman væri hefðbundinn ljóðaháttur kominn til sögunnar.
Í bókinni Við brunninn eftir Kristján frá Djúpalæk er ljóðið „Hrím“.
Það er alls þrjú erindi, hvert um sig fjórar línur. Uppsetningin leynir
því þó ekki að um ljóðahátt er að ræða:40
Fjarlægri sól
öllu framandi
líf vort er háð
og ljósið.
Vísuna mætti líka setja svona upp:
Fjarlægri sól
öllu framandi
líf vort er háð og ljósið.
38 Bragi Sigurjónsson (1959:18).
39 Kristján frá Djúpalæk (1975:14).
40 Kristján frá Djúpalæk (1960:16).