Són - 01.01.2003, Qupperneq 67

ÁFANGAR 67
Keifði kargan mar
Kveldúlfs landnámsfar.
Eygði endi sinn
útlaginn.
Fann, þar lágt hann lá,
lífs ei komast má
eyðimörku af —
sem var Íslandshaf.
Í næsta hluta sama kvæðis gerir Stephan G. þá breytingu á runhend-
unni að í seinni hluta erindanna setur hann víxlrím í stað runuríms —
og enn leikur nokkur vafi á um nafn háttarins — enda síðasta línan
komin með þrjú ris og sker sig úr:72
Óx þar á eyði
Íslands greiði
á ættarmeiði
út frá því leiði.
Varð því að vinning
völin hans ráða —
menningar-minning
manaði börnin til dáða.
Í sama ljóði má sjá þriðju tilraunina með runhenduna þar sem tvær
langar línur með fjögur ris sundra hættinum auk þess sem skipt er yfir
í karlrím úr kvenrími í seinni hluta erindisins en það átti sér ekki
fordæmi:73
Kátari körin
Kveldúlfi myndi og útlegðarförin,
úrslitum unað,
ef að hans framsýni þá hefði grunað:
Noreg norðan af
nafn og ættarstaf
vaxa, er veður gaf,
vestur um Kyrrahaf.
72 Stephan G. Stephansson (1954:289–290).
73 Stephan G. Stephansson (1954:291).