Gerðir kirkjuþings - 1995, Side 103

í apríl síðastliðnum var haldinn fundur í Svíþjóð þar sem
mættir voru þeir er hafa haft umsjón með Porvoo ferlinu í hverju
aðildarlandanna.
Þar var meðal annars fjallað um hvað taki við þegar samkomulagið
hefur fengið staðfestingu og gerð voru drög að samþykktum um
kirkjulega
samráðsfundi og gagnkvæmar heimsóknir og námsdvalir leikra og
lærðra. Ákveðið hefur verið að efna til þriggja athafna á næsta ári
þar sem saman komi fulltrúar þeirra kirkna er staðfest hafa Porvoo
samkomulagið og undirriti það. Athafnirnar verða í Niðarósi og Riga
í september og í London í nóvember. Segja má, að Porvoo
samkomulagið hafi þegar sett mark sitt á íslenskt kirkjulíf. Á
síðastliðnum vetri urðu biskup Islands og Evrópubiskup ensku
biskupakirkjunnar ásáttir um að hingað kæmi anglíkanskur prestur
til tímabundinnar þjónustu. Það var séra Steven Mason frá Grimsby
sem hingað kom og starfaði hér frá því í apríl og til júníloka. Hann
annaðist guðsþjónustur og og gerði athugun á þjónustuþörf
anglíkanska eða enskumælandi samfélagsins á Islandi.
Nordiska Ekumeniska Rádet
Ársfundur Nordiska Ekumeniska Rádet, Kirknasambands
/
Norðurlanda, var haldinn á Skáni í lok maí. A fundinum var fjallað
um samstarf kirkna á Norðurlöndum við kirkjur í Evrópu ; ný
skipulagsskrá var samþykkt samþykkt fyrir stofnunina; þá var
mikið rætt um framtíðarverkefni og hlutverk NER. Á ársfundinum
var einnig fjallað um samskipti lúthersku kirknanna og kaþólsku
kirkjunnar á Norðurlöndum. Þannig er, að á afmælishátíð sænsku
kirkjunnar fyrir tveimur árum bauð fulltrúi kaþólsku kirkjunnar,
Cassidy kardínáli, sænsku og finsku kirkjunum til formlegra
viðræðna um kirkju og embætti, vegna sérstöðu þeirra með tilliti til
postulegrar vígsluraðar. Sænsku og finnsku erkibiskuparnir tóku
vel í þetta og var embættismannanefnd skipuð til undirbúnings.
Hins vegar hafa mál síðan þróast þannig, að sænska og finnska
kirkjan óska nú eftir því að allar lúthersku kirkjurnar á
Norðurlöndum komi sameinaðar til samtals við kaþólsku kirkjuna
og að norræni kaþólski biskupafundurinn verði samtalsaðili ásamt
með Vatíkaninu. Ágætar horfur eru á, að kaþólska kirkjan fallist á
þessa tillögu og má því vænta innan skamms boðs til íslensku
kirkjunnar um að verða þáttakandi í samræðunum.
Með þessari skýrslu utanríkisnefndar fylgir skrá yfir
áformaða fundi og ráðstefnur á vegum NER
Sameiginleg yfirlýsing um réttlætingu af trú
Lútherska heimssambandið og "Pontifical Council for
promoting Christian Unity" hafa gefið út sameiginlega yfirlýsingu
98