Gerðir kirkjuþings - 1995, Qupperneq 215

5. gr.
Kjörfund skal halda innan 14 daga frá því að prófastur kynnir kjörmönnum erindi
biskups, sbr. 4. gr.
Kjörfundur er lokaður og stýrir prófasmr honum. Að lokinni framlagningu og
athugun gagna fer fram val á umsækjanda þegar á þeim fundi eða í síðasta lagi innan
tveggja sólarhringa ef ósk um frestun kemur fram frá kjörmanni eða prófasti.
Atkvæðagreiðslan er leynileg.
Prófasmr afhendir hverjum kjörmanni atkvæðaseðil og semr kjörmaður kross fyrir
framan nafn þess er hann velur. Að loknu vali eru atkvæði talin á kjörfundi. Ef
umsækjandi er einn telst val hans bindandi hafi hann hlotið 2/3 atkvæða.
Ef umsækjendur eru fleiri nægir helmingur atkvæða.
Nú eru umsækjendur þrír eða fleiri og enginn hefur hlotið helming greiddra
atkvæða og skal þá endurtaka valið bundið þannig að sá sem fæst atkvæði hefur hlotið við
síðusm atkvæðagreiðslu fellur úr.
Nú er valið milli tveggja umsækjenda og hvorugur hlýtur helming greiddra atkv;æða
og er þá valið ekki bindandi.
Falli atkvæði jöfn á kjörfundi ræður hlutkesti.
Nú vill meirihluti kjörmanna hafna umsækjendum með því að skila auðum
atkvæðaseðlum og er þá ráðherra óheimilt að veita embættið.
Að lokinni atkvæðagreiðslu eru öll gögn málsins opinber.
ó.gr.
Að loknum kjörfundi skal prófasmr hlutast til um að sóknamefnd eða nefndir
hlutaðeigandi prestakalls kynni á almennum safnaðarfundi eða á annan sannanlegan hátt,
innan sjö daga frá því að fundi lauk, hver hafi verið valinn eða hverjir hafa hlotið flest
atkvæði sé valið eigi bindandi.
7. gr.
Nú berst skrifleg ósk um það frá minnst 25 af hundraði atkvæðisbærra sóknarbarna
í prestakallinu, innan sjö daga frá því að niðurstöður voru kynntar, sbr. 6. gr., að
almennar prestskosningar fari fram í prestakallinu og er þá skylt að verða við því. Fjöldi
atkvæðisbærra manna miðast við þá sem eru skráðir í þjóðkirkjuna í prestakallinu
samkvæmt þjóðskrá 1. desember næstan á undan og náð hafa 16 ára aldri er kosning fer
fram. Ef ágreiningur rís um hvort almenn kosning eigi að fara fram úrskurðar
yfirkjörstjóm, sbr. 12. gr., um það. Framkvæmd kosningar fer fram eftir ákvæðum III.
kafla laga þessara.
8. gr.
Nú er ekki óskað eftir almennum kosningum, sbr. 7. gr., og skal þá prófastur senda
biskupi afrit af gerðabók kjörfundar ásamt staðfestingu þess að niðurstöður hafi verið
kynntar, sbr. 6. gr.
Biskup sendir kirkjumálaráðherra niðurstöðu kjörfundar ásamt umsögn sinni.
Ráðherra veitir þeim embættið sem hlotið hefur bindandi val en ákvarðar að öðrum
kosti veitingu, að fenginni tillögu biskups.
210