Skagfirðingabók - 01.01.1993, Qupperneq 202

SKÚLI FÓGETI OG BJARNI FRÁ VÖGLUM
BALDVIN BERGVINSSON BÁRÐDAL skráði
BALDVIN BÁRÐDAL (1859-1937) var þingeyskrar ættar. Hann var kennari í
Blönduhlíð 1925-26 og skráði þá ýmsan fróðleik; sjálfsævisaga hans er til í
handritadeild Landsbókasafns íslands. Síðustu ár sín var hann bæjarpóstur á
Sauðárkróki.
Frásagnir af Skúla fógeta og Bjarna á Vöglum eru í Héraðsskjalasafni
Skagfirðinga, HSk. 84 fol. Heimildamaður Baldvins var Stefán Sveinsson
(1836-1927) bóndi á Uppsölum í Blönduhlíð.
Ritstjórn
I
Þegar Skúli Magnússon bjó á Stóru-Ökrum, var fýlgdarmaður
hans alllengi Bjarni nokkur á Vöglum. Bjarni þessi var fátæk-
ur, en kátur og glettinn og vildi síður láta leika á sig án þess að
launa. Skúli var oft ófínn í orðum og stundum hrottalegur, en
auðsýndi þó smælingjum samúð.
Sjálfsagt hefur Skúli verið Bjarna vænn, en oft var glettni
milli þeirra, og vildi hvorugur slá undan, en þó raskaði það
aldrei vinskap þeirra. Sem dæmi um glettni þeirra hefi ég
heyrt þetta:
Einu sinni kom Skúli af Akureyri og Bjarni með honum.
Það var um haust. Báðir voru þeir við vín. Þá dagaði uppi á
kotbæ einum frammi í Öxnadalnum, voru þar um nóttina þó
lítil væru húsakynni. Þeir voru látnir sofa saman í baðstofu-
rúmi á móti konu, sem var með ungbarn í rúmi. Borð var á
milli rúmanna og þar á kanna full af nýmjólk handa barninu
200