Múlaþing: byggðasögurit Austurlands - 01.01.1969, Side 92

90
MÚLAÞING
Eyjólfur að nú skyldu þeir smakka á þessu og vita hvort þeim
gæti hlýnað. Þetla átti að hafa verið tært brennivín sem hann
seiddi frá einokunarverzluninni á Djúpavogi.
Vorið 1858 fór Jón * Rannveigarstaði fyrirvinna til Guð-
rúnar og 3. okt. 1859 giftu þau sig. Staða konunnar í þjóðfé-
1-aginu og réttur hefur jafnan verið fyrir borð borinn. Við
giftinguna missti Guðrún umráðarétt þann sem hún átti sem
ekkja Eyjólfs yfir jörðinni, og gat Jón ekki fengið ábúðina
framlengda. Hver orsök hefur verið er ekki Ijóst. Jörðin var
kirkjujörð og lá undir staðinn Hof í Álftafirði og landsdrott-
inn prófasturinn Þórarinn Erlendsson. Jörðin var því laus í
ábúð næstu tvö eða þrjú árin, en þá flutti þangað Haraldur
Briem nýkvæntur Þrúðu dóttur hans.
En segja má eins og þar stendur, að eins dauði sé annars
brauð. Þá bjuggu á parti úr jörðinni Geithellum, þrem hundr-
uðum að fornu mati og átti Geithellahreppur þessi hundruð,
Þórður Ófeigsson söðlasmiður og kona hans Gróa Vigfúsdóttir
frá Þorgeirsstöðum í Lóni. Þau hjón voru mjög fátæk. Vorið
1860 um sumarmálaleytið lagði Þórður leið sína áleiðis til
Djúpavogs að sækja eitthvað til heimilis, gekk til næsta bæj-
ar sem er Melrakkanes, fékk þar lánaðan bát austur yfir Ham-
arsfjörð. Þórður kom ekki fram, en bátinn rak austan megin
fjarðar á Búlandið, skammt utan við Búlandsnes. Þótti líkleg-
ast iað hann hefði róið upp á hnagg sem Selshaus heitir og
kemur upp á fjöru og er mjög hættulegur ókunnugum. Máu-
uði síðar rak lík Þórðar á Hamarsleirur. Þegar svona var
komið sá Gróa sér ekki fært að halda við búi. Þau áttu eina
dóttur á fimmta ári sem Sigríður hét.
Fékk Jón nú ábúð á þessum parti og bjó þar allan sinn bú-
skap eða um 25 ár. En Gróa fór vinnukona í P-apey. Hvort
hún fór það vor eða næsta man ég ekki, en dóttur þeirru Sig-
ríði tóku þau Jón og Guðrún og ólu upp sem sitt eigið barn
og dvaldi hún á heimili Jóns til 1882 að hún fói' fyrirvinna
til Sigurðar Björnssonar að Þvottá sem þá missti sína fyrri
konu Sigríði Guðmundsdóttur Hjörleifssonar frá Starmýri.
Sigríður Þórðardóttir giftist síðar Bergsveini Skúlasyni og