Múlaþing: byggðasögurit Austurlands - 01.01.2000, Blaðsíða 61

Þáttur um Gullbjarnarey
Kofar við Miðborg, horft í SV inn til Héraðs 14. júní 1989.
Ljósm.: SGÞ.
minn vildi þá ekki búa lengur og réðum af
að fara til Ameríku. Ég var þá giftur, konan
hét Þóra Sigurðardóttir; dreng áttum við á
öðru ári, svo faðir minn og Bensi.5 Þetta
voru þeir sem fóru úr Neðrabæ. Villi6 var
giftur og bjó inni í kaupstað. Sveinn Jóns-
son frá Brimnesi keypti Fagradal og síðar
Bjarnarey. Við héldum til Ameríku. Þegar
við komum til Winnipegborgar misstum við
drenginn okkar. Vorið 1906 héldum við til
Islands með sex mánaða gamlan dreng sem
við áttum. Við kölluðum hann Vilberg
(hann hét fleiri nöfnum). Það vorum við
þrjú sem fórum heim. Okkur gekk ferðin
vel og lentum í Vopnafjarðarkaupstað. Þar
var lítið um húsrúm en fékk þó leigt upp á
lofti sem sjómenn höfðu áður verið í en
niðri undir loftinu bjuggu hjón sem hétu
Guðný konan og Einar Pálsson maður
hennar. Hans verður síðar getið. Vorið sem
ég kom var lítil atvinna í kaupstaðnum. Þá
var nýlega kominn verslunarstjóri við
verslun sem var í Framkaupstað og áður
kennd við Zölner en síðar hét Framtíðin.
Verslunarstjóri þessi hét Sigurður Johanns-
sen en var alltaf kallaður Johannssen. Þetta
vor fékk eg boð frá honum að finna sig. Eg
gjörði það. Svo stóð á fyrir honum að hann
var búinn að láta byggja sjómannaíbúð í
Bjarnarey. Það var langur skúr þiljaður
sundur, mig minnir í fimm íbúðir, þrjár
íbúðir fyrir Færeyinga af þremur róðrar-
bátum og tvær fyrir íslenska fólkið. Neðar
stóð stór skúr sem saltað var í. Þessir skúrar
stóðu í tanganum neðan við kofann sem við
Björn Ólafsson héldum til í og áður er um
getið. Eg mun síðar lýsa þessu betur en vík
nú aftur að samtali okkar Johannssens.
5Benedikt, yngsti bróðir höfundar
^Sigurður Vilhelm, hálfbróðir höfundar.
59