Múlaþing: byggðasögurit Austurlands - 01.01.2000, Page 125

Hrakningar og helfarir
Séð yfir Hróarstungu, Hallfreðarstaðir á miðri mynd, Krosshöfði undir fjöilunum uppi í hægra horni.
Ljósm.: SGÞ, júlí 1988.
Þegar líða tók á kvöldið hvessti af norð-
austri og varð þá samstundis glórulaust
dimmviðri með nokkru frosti. Seinni hluta
næturinnar breyttist vindstaðan til norðurs
og herti þá mjög frostið.
Þegar Hauksstaðamenn fóru frá Gunn-
hildargerði höfðu þeir haldið lítið eitt til
norðurs yfir ás og holt og svo framhjá
Hallfreðarstöðum og þá tekið stefnu yfir
Hallfreðarstaðablána, beint á Stóra-Bakka.
A þeirri leið voru beitarhús frá Litla-Bakka.
Ekki náðu þeir þó á þau sökum dimmviðris.
En þar skammt frá hafði verið torfuhringur
í flagi. Á hann rákust þeir Hauksstaðamenn
og staðnæmdust þeir. Þá hafa þeir senni-
lega verið orðnir villtir og ekki vitað hvert
halda skyldi. Nokkurt traðk var þarna
umhverfis torfuhringinn og þarna munu
þeir hafa yfirgefið ækið og Grána. Af
harðsporunum mátti rekja leið þeirra um-
hverfis torfuhringinn til ýmissa átta sem
ótvírætt bendir til villu þeirra. En þó, að
lokum hafa þeir svo tekið nýja stefnu sem
næst því á Hallfreðarstaðabæinn en þó um
of til vinstri. Yfirbugaðir af þreytu og kulda
í stórhríðarbyl og gaddhörku enduðu þeir
ferðina uppi í Hallfreðarstaðahálsi. Þar
fundust þeir helfrosnir mánudaginn 9.
janúar.
Útilegan
Eg gætti fjár á fjórum húsum á Galta-
stöðum ytri. Verða þau öll nefnd hér.
Stefánshúsin tvö voru aðeins spölkorn
innan við bæinn og næst honum. I norð-
austur frá Stefánshúsunum var Langhúsið.
Var svipuð vegalengd á milli allra þessara
húsa og var á milli Stefánshúsanna og
bæjarins, eða spölkorn. Hringhúsið var
lengst frá bænum, fram og niður af honum
eins og sagt var, í hásuðri. Þangað var kipp-
korn frá bænum eða að ætla má um 15 mín-
útna gangur.
Sunnudagsmorguninn 8. janúar fór ég
123