Jökull - 01.12.1985, Side 149

um nema fram komi aðrar og betri. Oft eru þessar nýju
°g betri kenningar þannig að þær fela eldri kenninguna
að nokkru í sér sem sértilfelli. Vafalítið verða þau örlög
plötukenningarinnar að hún vísi veginn að betri kenn-
'ngu, en hvort sá vegur liggur í þá átt er Trausti taldi
skal ósagt látið. Dæmi hans sýnir hins vegar að góðir
visindamenn reyna ekki að leysa vandamálin með því að
hunsa þau, heldur með því að glíma við þau af öllum
þeim krafti sem þeim er gefinn.
.,Menn fást ekki við rannsóknir með viðurkenningu,
verðlaun eða heiðrun í huga. Viðurkenningu verða
menn að keppa að í prófverkefni, en eftir það er það
starfsgleðin og ánægjan yfir því að skilja betur í dag en í
gær, sem knýr menn áfram". Ef marka má þessi orð
Trausta hefur hann verið gæddur einstakri starfsgleði
því slík voru afköstin. Bent hefur verið á að orðið
vísindamaður sé trúlega ofnotað, og vel má vera að sú
ábending sé réttmæt. Þó eru þeir allmargir íslendingarn-
ir á þessari öld sem vísindamannaheitið á vel við, en fáir
sem hafa borið það með meiri sóma en Trausti Ein-
arsson.
Ágúst Guðmundsson
JÖKULL 35. ÁR 147