Tímarit UNIFEM - 01.01.2004, Qupperneq 7

Mannréttindi kvenna
„Þeir vita að hún getur ekki sagt NEI“
Þriðja hver kona í heiminum verður fyrir einhvers konar kynbundnu ofbeldi á lífsleiðinni og tíðni ofbeldis
gegn konum er svipað sama hvert litið er. Kristín Ástgeirsdóttir sagnfræðingur varpar ljósi á stöðu mála og þá
staðreynd að rétt rúmlega 20 ár eru liðin frá því að alþjóðleg umræða um ofbeldi gegn konum hófst fyrir alvöru.
Alnæmi og konur
Alnæmi ógnar viðgangi og vexti ríkja í mörgum þróunarlöndum, sérstaklega í ríkjum sunnan Sahara-
eyðimerkunnar. Hólmfríður Anna Baldursdóttir fræðir okkur um tengsl ofbeldis og alnæmis og víðtæk áhrif
faraldsins á konur.
Ljós í myrkri
Í Úganda eiga fjölmargar stúlkur hvergi í hús að venda vegna alnæmis. Erla Halldórsdóttir
þjóðfélagsfræðingur ákvað að bregðast við vandanum og leggja stúlkunum lið með því að stofna samtökin
Candle Light Foundation. Hér segir Erla frá tildrögum stofnunar samtakanna og daglegu starfi þeirra.
Samfélagið allt nýtur góðs af menntun stúlkna
Meirihluti barna sem ekki ganga í skóla í heiminum eru stúlkur. Tveir þriðju þeirra sem teljast ólæsir í
heiminum eru konur. Stefán Stefánsson, framkvæmdastjóri UNICEF á Íslandi, og Hólmfríður Anna Baldursdóttir,
skrifstofustjóri Miðstöðvar SÞ, fjalla um helsta áherslumál Barnahjálpar SÞ 2002-2005, sem er menntun
stúlkubarna.
Ísland, jafnréttismál og þróunarsamvinna
Þróun og þúsaldarmarkmið SÞ
Flestir eru sammála um að þúsaldarmarkmið Sameinuðu þjóðanna um þróun marki tímamót hvað varðar
einhug ríkja um að minnka fátækt í heiminum og stuðla að þróun. Á síðum 70-71 er að finna yfirlit yfir stöðu
þróunar, lista yfir þúsaldarmarkmiðin og pistil um möguleg áhrif þeirra á jafnréttismál og stöðu kvenna og
stúlkna.
Íslensk þróunarsamvinna og jafnréttismál
Óháð skýrsla um þróunarsamvinnu Íslands og þátttöku í starfi alþjóðastofnana var gerð fyrir
utanríkisráðuneytið á dögunum. Rósa Erlingsdóttir og Birna Þórarinsdóttir stjórnmálafræðingar spá í inntak
hennar útfrá sjónarmiði kynja- og jafnréttismála.
„Að bregðast við ófriðarblikum“
Íslenska friðargæslan heldur úti starfsemi víðsvegar um heim með um eitthundrað sérfræðinga á
viðbragðslista. Hrund Gunnsteinsdóttir þróunarfræðingur ræddi við Arnór Sigurjónsson og Þorbjörn Jónsson
um áherslur í jafnréttismálum.
„Viljum auka gæði þróunaraðstoðar“
Seta Íslands í stjórn Alþjóðabankans, umsókn um aðild að þróunarsamvinnunefnd OECD, afnám skulda
fátækustu ríkja heims og þúsaldarmarkmið SÞ um þróun eru meðal atriða sem svið fjölþjóðlegrar
þróunarsamvinnu leggur hvað mesta áherslu á. Hrund Gunnsteinsdóttir tekur tali Hermann Örn Ingólfsson,
sendiráðunaut og forsvarsmann skrifstofunnar.
„Jafnréttismál snar þáttur í þróunarstarfi“
Frumkvæðisréttur kvenna og þróunarlandanna sjálfra vegur þungt í verkefnavali
Þróunarsamvinnustofnunar Íslands. Hrund Gunnsteinsdóttir ræðir við Sighvat Björgvinsson framkvæmdarstjóra,
Sjöfn Vilhelmsdóttur, upplýsinga- og fræðslufulltrúa, og Huldu Biering, sem fer með verkefnisstjórn félags- og
fullorðnisfræðsluverkefna í Mósambík.
„Einbeitum okkur að því að ná settum markmiðum“
Í fyrsta skipti á Ísland sæti í kvennanefnd SÞ og meðal áhersluatriða er þátttaka karla og drengja í
jafnréttisstarfi. Hrund Gunnsteinsdóttir ræðir við Helgu Hauksdóttur, sendiráðunaut í New York, Hönnu Sigríði
Gunnsteinsdóttur, lögfræðing í félagsmálaráðuneytinu, og Ólöfu Hrefnu Kristjánsdóttur, sendiráðsritara í
utanríkisráðuneytinu, um áherslur Íslands á jafnréttismál á alþjóðlegum vettvangi.
Einkageirinn og þróunaraðstoð
Samfélagsleg ábyrgð fyrirtækja í ljósi aukinnar markaðshyggju hefur verið töluvert til umfjöllunar síðustu
misseri á vettvangi Sameinuðu þjóðanna. Elsa Guðmundsdóttir fjármálastjóri fjallar um breytta efnahagsstjórn
og ríkari skyldur einkageirans í þróunarsamvinnu og mannúðarmálum.
54
57
60
65
70
74
78
80
84
88
92