Tímarit UNIFEM - 01.01.2004, Side 12

UNIFEM er Þróunarsjóður Sameinuðu þjóðanna í þágu kvenna.
UNIFEM veitir tæknilegan stuðning og leggur fé til verkefna sem
ætlað er að efla mannréttindi kvenna, þátttöku þeirra í stjórnmálum
og efnahagslegt öryggi. Hlutverk UNIFEM innan Sameinuðu þjóð-
anna er að efla jafnrétti kynjanna og stuðla að því að stefnumótun
hvarvetna taki mið af jafnréttissjónarmiðum og réttindum kvenna.
Með þetta að markmiði leggur UNIFEM einkum áherslu á þróunar-
samstarf og veitir sérfræðiaðstoð hvað aðferðir og tæknilega
kunnáttu varðar.
UNIFEM var stofnað árið 1976 í kjölfar ályktunar sem samþykkt var
af allsherjarþingi Sameinuðu þjóðanna að tilstuðlan kvennasamtaka
sem tóku þátt í fyrstu alþjóðlegu kvennaráðstefnunni sem haldin
var í Mexíkóborg árið 1975.
Hlutverk UNIFEM er að:
Styðja frumkvæði og nýjungar í aðferðum til að bæta stöðu
kvenna í samræmi við alþjóðleg markmið
Hvetja til þess að konur séu virkir þátttakendur á öllum
stigum stefnumótunar í þróunarmálum
Þjóna hlutverki brautryðjanda á sviði kynjajafnréttis í alþjóð-
legri þróunasamvinnu Sameinuðu þjóðanna
Hlutverk og umboð UNIFEM
Lj
ós
m
yn
d
: R
ós
hi
ld
ur
J
ón
sd
ót
tir
/L
ao
s