Tímarit UNIFEM - 01.01.2004, Blaðsíða 44

Mansal vekur óhug. Mansal er nútímaþrælahald þar sem verslað er
með fólk og er sú alþjóðlega glæpastarfsemi sem er í hvað örustum
vexti. Samkvæmt Alþjóðlegri stofnun um fólksflutninga (International
Organization for Migration, IOM) er áætlað að yfir tvær milljónir
kvenna og barna hafi verið fórnarlömb mansals árið 2001. Mansal er
ekki aðeins brot á mannréttindum heldur verða fórnalömb þess ber-
skjölduð fyrir alvarlegum sjúkdómum eins og alnæmi. Noeleen Heyzer,
framkvæmdastýra UNIFEM, segir að á stríðshrjáðum svæðum þar sem
lög og regla eru oft ekki virt skapist aðstæður þar sem mansal þrífst.
Skortur á ódýru og ómenntuðu vinnuafli meðal þjóða sem ekki eru í
stríði skipar stórt hlutverk í þessari þróun.
Á síðasta ári tók hérlendis gildi nýtt ákvæði í hegningarlögum sem
segir að hver sá sem tekur þátt í mansali geti fengið allt að átta ára
fangelsisdóm. Það er væg refsing miðað við lönd í Evrópu. Ef viðurlög
hérlendis eru vægari en annars staðar gætu þrælasalar frekar valið sér
ferðaleiðir í gegnum Ísland.
Við þekkjum það sem stendur okkur næst og oft er erfitt að gera
sér í hugarlund hvað aðrir þurfa að reyna. Mörg okkar kynnast alþjóða-
samfélaginu aðeins í fjölmiðlum, á netinu eða í gegnum starfsemi eins
og UNIFEM. Það er heimurinn sem við þekkjum. En gerum við okkur
í raun grein fyrir þeim hörmungum sem margar þjóðir heims þurfa að
þola? Íslendingar gætu þurft að taka á honum stóra sínum ef þrælasalar
nútímans leggja leið sína til landsins, en fyrst og fremst er mikilvægt að
við séum vakandi og tilbúin að leggja okkar að mörkum, vel menntuð
og efnuð þjóð sem Íslendingar eru.
Heimildir og ítarefni
www.unifem.org
http://www.womenwarpeace.org/unifem.htm
Foreign Affairs, maí-júní 2004
Þótt nokkuð hafi áunnist hvað fram-
kvæmd ályktunar nr. 1325 varðar
er enn langt í land. Til að mynda var
gerð úttekt á því hversu vel og reglu-
lega jafnréttissjónarmið voru sam-
þætt í skýrslum til öryggisráðsins á
tímabilinu janúar 2000 til september
2003. Úttektin leiddi í ljós að í 17,8%
tilfella var oft minnst á kynjasjónar-
mið. Í 15,2% tilfella var sjaldan minnst
á kynjasjónarmið og í 67% tilfella var
einu sinni eða aldrei minnst á konur
og kynjamálefni.
44