Tímarit UNIFEM - 01.01.2004, Qupperneq 64

Hvað verður um stúlkurnar?
Nokkrar stúlkur hafa flutt aftur heim í þorpið í sveitinni þar sem þær
ólust upp. Ekki er óalgengt að ömmur sitji þar einar eftir með fjölda
barnabarna á framfæri sínu þegar foreldrarnir eru dánir úr alnæmi.
Þessar konur eru oft með mun fleiri börn en þær geta séð um. Nokkrar
stúlknanna hjá CLF koma úr þessu umhverfi en hafa endað á vergangi
í borginni. Þegar þær eru búnar að ná tökum á lífi sínu hjá CLF flytjast
þær aftur í sveitina til að aðstoða við uppeldi systkina sinna.
CLF hefur gott orð á sér í Kampala og fólk sem fylgist með því sem
þar er að gerast hefur komið og boðist til að taka að sér stúlkur og
mennta þær. Þetta er fólk sem hefur fylgst nægjanlega með starfinu til
að sjá einstaklinga ná þroska til að geta staðið á eigin fótum og veit
að fjárhagslegur stuðningur mun skila sér. Nú fá þrjár stúlkur þannig
stuðning í skóla og eru ekki lengur undir vendarvæng CLF. Ein þessara
stúlkna er í hjúkrunarnámi. Nokkrar stúlkur hafa farið frá CLF og fengið
vinnu, t.d. á hárgreiðslustofu, barnaheimili, í mötuneyti sjúkrahúss, við
sauma og sem barnfóstrur. Enn aðrar
hafa gift sig og eignast börn og una
hag sínum vel.
Alls hafa 46 stúlkur komið við í
CLF í þau þrjú ár sem það hefur
starfað. Af þeim hópi hafa þrjár
stúlkur snúið til fyrra lífs, gátu ekki
slitið sig frá götulífi eða eiturlyfjum.
Eina stúlku misstum við, hún dó af
barnsförum. Nú koma tólf stúlkur til
vinnu og tíu eru í skóla. Skólastúlk-
urnar koma síðan og eyða deginum
á CLF þegar þær eru í skólafríum
og fá þá greidd laun fyrir vinnu sína.
Stúlkur sem eru í skóla fá alltaf vasa-
peninga mánaðarlega svo segja má að
þær sem stunda vinnu hverju sinni
vinni fyrir þeim sem eru í skóla.
Candle Light Foundation er eftir-
sótt hjá munaðarlausum börnum í
Kampala til þess að komast út úr þeim
vítahring sem alnæmið hefur steypt
þeim í. Því miður er aðeins hægt
að taka við fáum af þeim fjölmörgu
stúlkum sem leita til CLF, en þær vita
einnig að samtökin henta aðeins þeim
sem vilja einlæglega komast áfram.
Reyndur hjálparstarfsmaður meðal
götubarna í Kampala hefur lýst CLF
sem háskóla götubarnanna. Þær sem
þar fara í gegn eru tilbúnar að hjálpa
sér sjálfar fái þær tækifæri til þess, og
reiðubúnar að leggja þónokkuð á sig
til að fá að vera með.
Á Íslandi hafa verið stofnuð samtök
til að styðja við bakið á Candle Light
Foundation í Úganda. Þessi samtök
heita Alnæmisbörn en hægt er að
gerast félagi í samtökunum eða styrkt-
araðili með mánaðarlegum stuðningi.
Fyrsta verkefni Alnæmisbarna verður
að tryggja að HIV-jákvæðar stúlkur
fái alnæmislyf þegar þær þurfa á þeim
að halda.
goge@simnet.is • www.simnet.is/rge
Alls hafa 46 stúlkur komið við í CLF
þau þrjú ár sem það hefur starfað.
Af þeim hópi hafa þrjár stúlkur snúið
til fyrra lífs, gátu ekki slitið sig frá
götulífi eða eiturlyfjum, eina stúlku
misstum við, hún dó af barnsförum.
Nú koma tólf stúlkur til vinnu og tíu
stúlkur eru í skóla.
64