Jón á Bægisá - 01.09.2003, Side 26

Nizar Qabbani
Teiknitími
Sonur minn setur litakassann sinn fyrir framan mig
og biður mig að teikna fyrir sig fugl.
Ég dýfi penslinum í gráa litinn
og teikna ferning með lásum og rimlum.
Augu hans fyllast undrun:
„... En þetta er fangelsi, pabbi.
Kanntu ekki að teikna fugl?“
Og ég segi við hann: „Fyrirgefðu, sonur.
Ég er búinn að gleyma hvernig fuglar líta út.“
Sonur minn leggur teikniheftið fyrir framan mig
og biður mig að teikna hveitistöngul.
Ég held á pennanum
og teikna byssu.
Sonur minn skopast að fávisku minni,
spyr með þjósti,
„Pabbi, veistu ekki muninn á
hveitistöngli og byssu?“
Ég segi við hann, „Sonur,
áður fyrr vissi ég hvernig hveitistönglar eru í laginu
hvernig brauðhleifur er í laginu
hvernig rós er í laginu.
En á þessari grimmu tíð
hafa tré skógarins gengið í lið með
varðliðunum
og rósin klæðist grámóskulegum hermannabúningi.
Á þessari tíð vopnaðra hveitistöngla
vopnaðra fugla
vopnaðrar menningar
og vopnaðra trúarbragða
2-4
N’// á . - Tímarit þýðenda nr. 7 / 2003