Jón á Bægisá - 01.09.2003, Qupperneq 47

Þýðingafrœði við Háskóla íslands
ingafræði. Þær skiptast í 15 einingar í námskeiðum og 15 eininga M.A.-rit-
gerð. Mjög metnaðarfullir nemendur geta tekið 30 eininga ritgerð og eng-
in námskeið á síðara árinu.
Námi þessu hefiir verið mjög vel tekið og eru nú tæplega 20 nemendur
á þessum námsleiðum sem þykir gott þegar um framhaldsnám er að ræða.
Það er greinilega metnaðarfullt fólk og áhugasamt sem sækir í þetta nám
og hefur tímasókn verið hagað þannig að menn geti unnið sína vinnu með
þessu ef þeir vilja.
Vorið 2001 kenndi ég námskeiðið Þýðingar: ritsmiðja í heimspekideild Há-
skólans og var námskeiðið á vegum skorar í almennri bókmenntafræði og
málvísindum, en einnig tóku þar þátt nemendur úr öðrum skorum heim-
spekideildar. Við ákváðum í upphafi að einbeita okkur að hagnýtum hlið-
um þýðinga eins og gert var ráð fýrir í þessu námskeiði, en okkur langaði
einnig til að skoða veruleikann á þessu starfssviði sem svo lítið hefur verið
sinnt faglega hingað til.
Það var því ákveðið að hluti námskeiðsins fælist í því að nemendur
ynnu rannsóknarverkefni á tilteknu sviði þýðinga og öfluðu sér gagna frá
þeim sem að ferlinu koma, þýðendum, verkkaupum og neytendum. Nem-
endur sinntu þessu verkefni af gífurlegum áhuga og þegar þeir tóku að
flytja erindi með niðurstöðum sínum kom fljótt í ljós að til var að verða
mynd af þýðingastarfsemi þeirri sem fram fór á íslandi vorið 2001. Þetta
var vitanlega engin heildarmynd, en hún var samt ærið ítarleg og víðfeðm.
Okkur þótti því ekki ljúft til þess að hugsa að öll sú vinna sem fór í upp-
lýsingaöflunina yrði einungis að einingum á einkunnablaði nemenda.
Einnig höfðu margir viðmælenda nemendanna haft á orði að þeir vildu fá
að sjá niðurstöður þeirra.
Um vorið höfðum við því safnað mildum upplýsingum og vinnuhóp-
arnir höfðu sett saman niðurstöður á hverju sviði. Hins vegar var ljóst að
samræma þyrfti framsetningu á þeim og bæta við á mörgum stöðum til að
fá betri mynd af því sem verið var að rannsaka. Það var því ákveðið að tveir
nemendur önnuðust ritstjórn á efninu og sóttu þeir um styrk úr Nýsköp-
unarsjóði námsmanna til að vinna verkið um sumarið. Svo ánægjulega
vildi til að styrkurinn fékkst og með mótframlagi Þýðingaseturs Háskólans
var þeim Rannveigu Jónsdóttur og Auðnu Hödd Jónatansdóttur gert kleift
að vinna niðurstöðurnar upp í ítarlega skýrslu.
Afrakstur þessarar vinnu kemur fram í skýrslunni sem Jón á Bœgisá birt-
ir hér með og er ánægjulegt að þetta verk skuli sjá dagsins ljós opinberlega,
á .JSœpásá- — Þegar stríð að stríðinu verður
45