Tímarit hjúkrunarfræðinga - 01.10.2011, Blaðsíða 7
Tímarit hjúkrunarfræ›inga – 5. tbl. 87. árg. 2011 3
Í lok septembermánaðar hittust um 200
hjúkrunarfræðingar á Akureyri á ráð
stefnunni Hjúkrun 2011, Öryggi – gæði
– forvarnir. Yfir vötnum sveif andi fræði
mennsku, fagmennsku og framsýni. Alls
voru flutt 75 erindi, vinnusmiðjur voru
10 og veggspjöld yfir 40. Vandi þeirra
sem sóttu ráðstefnuna var að velja úr
öllum þessum áhugaverðu kynningum.
Fjallað var um fagmennsku, starfsumhverfi
og líðan, hjúkrun og ofbeldi, aldraða,
sjúklingafræðslu, heilbrigðisþjónustu
og stjórnun, verki og verkjameðferð,
meðgöngu og fæðingu, hjúkrun og
krabbamein, börn og unglinga, og fjölda
margt annað. Fjölbreytileikinn í rannsóknum
hjúkrunarfræðinga er mikill og sýnir að
hjúkrun og hjúkrunarfræðingar snerta
alla þætti lífs einstaklinga, fjölskyldna og
samfélaga, á öllum tímum. Grunnurinn í
rannsóknunum var í raun ætíð hinn sami,
það er að auka gæði hjúkrunarinnar
skjólstæðingunum til hagsbóta.
Til að gefa nokkra innsýn í þann mikla fróðleik
og þær fjölbreyttu rannsóknaniðurstöður,
sem kynntar voru á ráðstefnunni, nefni ég
hér fáeina þætti:
• Jákvætt viðhorf, þekking og færni,
og stuðningur stjórnenda auðveldar
hjúkrunarfræðingum að veita gagn
reynda hjúkrun.
• Dreifbýlisbúar taka að meðaltali 3,8 lyf
en þéttbýlisbúar 4,0.
• 70% hjúkrunarfræðinga á Landspítala
(LSH) telja vinnuálag þar mikið eða mjög
mikið.
• Veikindi eru tíðari hjá hjúkrunar fræðingum
en öðrum starfshópum á LSH.
• Hjúkrunarfræðingar eru truflaðir við verk
sín 22 sinnum á hverri klukkustund og
færa sig 16 sinnum á milli staða á hverri
klukkustund.
• Meðalkostnaður við að missa einn
reyndan hjúkrunarfræðing úr vinnu
samsvarar árslaunum viðkomandi.
• Konur, sem verða fyrir kynferðislegu
ofbeldi í æsku, beina tilfinningum sínum
oftast inn á við en karlar, sem verða
fyrir kynferðislegu ofbeldi í æsku, beina
fremur tilfinningum sínum út á við.
• Hrós deildarstjóra bætir starfsanda og
starfsánægju hjúkrunarfræðinga, eykur
hollustu þeirra við vinnustaðinn og dregur
úr líkum á því að þeir hætti störfum.
• Þriðjungur deildarstjóra segir að verkir
hafi áhrif á daglegt líf sitt.
• Sjúklingar, sem fara í skurðaðgerðir
á LSH, fasta að jafnaði lengur en
nauðsynlegt er og fá ólíkar leiðbeiningar
frá starfsfólki.
• Í þriðjungi 10. bekkja grunnskóla á
Íslandi er tóbaksvörnum ekki sinnt.
• Algengustu vandamál aðstandenda
sjúklinga með illkynja sjúkdóma voru
þreyta, breyttur persónuleiki sjúklings,
ótti og óvissa um framtíðina.
• Endurinnlagnir á LSH hafa aukist á
undanförnum árum.
Með aukinni þekkingu og tækni verður
sérhæfing í hjúkrun sífellt meiri. Ráð
stefnur eins og Hjúkrun 2011, þar sem
hjúkrunarfræðingar af mismunandi sér
sviðum hjúkrunar kynna rannsóknir sínar
og störf, auka án efa víðsýni hjúkrunar
fræðinga og virðingu þeirra fyrir störfum
annarra.
Þó gleði og bjartsýni hafi einkennt
ofangreinda ráðstefnu verður ekki horft fram
hjá því að hættur samfara niðurskurði og
undirmönnun steðja enn að okkur. Í byrjun
þessa mánaðar lagði fjármálaráðherra fram
frumvarp til fjárlaga fyrir árið 2012. Þar
er enn boðaður verulegur niðurskurður í
heilbrigðisþjónustunni, fjórða árið í röð.
Viðbrögð forstjóra, sem fyrir efnahagshrunið
hagræddu eins og mögulegt var og
eftir hrun hafa skorið látlaust niður, eru
að loka þurfi deildum eða jafnvel heilu
stofnununum og segja upp starfsfólki.
Þjónusta verður skert og öryggi sjúklinga
verður ógnað, ekki aðeins vegna ónógrar
mönnunar og óheppilegrar samsetningar
mannaflans heldur einnig vegna óviðunandi
tækjabúnaðar, ófullnægjandi starfsumhverfis
og sýkingavarna, og fleiri þátta.
Á næstu árum verða Íslendingar, eins og
flestar aðrar þjóðir heims, að fást við:
• ónógar fjárveitingar til heilbrigðismála,
• það verkefni að fjölga hjúkrunar
fræðingum og halda í þá sem fyrir
eru en nú vantar um tvær milljónir
hjúkrunarfræðinga á heimsvísu,
• nauðsyn þess að skapa jákvætt
starfsumhverfi en rannsóknir hafa sýnt
óyggjandi tengsl á milli starfsumhverfis
hjúkrunarfræðinga og starfsánægju
þeirra auk meiri gæða þjónustunnar
og meira öryggis sjúklinga,
• mat á vinnuálagi hjúkrunarfræðinga,
bæði er varðar magn og gæði vinnunnar,
• að styrkja stjórnun og stjórnendur í
hjúkrun og heilbrigðisþjónustunni
almennt,
• og að meta reglulega þörf fyrir
mannafla og gera áætlanir um hvernig
þeirri þörf verður sinnt.
Í stefnu Félags íslenskra hjúkrunarfræðinga
í hjúkrunar og heilbrigðismálum til ársins
2020, sem samþykkt var á aðalfundi
félagsins í maí síðastliðnum, er fjallað um
marga ofangreinda þætti. Stjórn félagsins
vinnur nú einnig að undirbúningi könnunar
meðal félagsmanna á viðhorfum þeirra
til fjölmargra þátta er varða menntun
þeirra, störf, kjör og fleira. Niðurstöður
könnunarinnar verða leiðarljós stjórnarinnar
í störfum hennar og áherslum næstu
misserin. Til að félagið og hjúkrunarfræðingar
geti sótt fram er mikilvægt að þátttaka í
könnuninni verði mikil þannig að raunsönn
mynd fáist af viðhorfum hjúkrunarfræðinga.
Það er sameiginlegt verkefni allra
hjúkrunarfræðinga að standa vörð um
og styrkja hjúkrunarþjónustu í landinu
og að standa vörð um og styrkja stöðu
hjúkrunarfræðinga í heilbrigðiskerfinu.
FRÆÐIMENNSKA, FAGMENNSKA, FRAMSÝNI
Formannspistill
Elsa B. Friðfinnsdóttir.
Opið virka daga kl. 9 -18 og á laugardögum kl. 11 - 16 • Stórhöfða 25 • Sími 569 3100 • eirberg.is
Quattro Plus loftdýnan
• Afléttir þrýstingi til varnar legusárum
• Eykur þægindi, auðveldar hvíld og slökun
• Hljóðlaus og einföld í notkun
Guldmann - Endingargóði lyftarinn
• Ný og falleg hönnun
• Rafglenna á hjólastelli
• Seglupphengi (herðatré) auðvelt í notkun
Clean fyrir sturtu og salerni
• Léttur og aðgengilegur stóll
• Úrval aukahluta
• Endingargóður og traustur
Taurus göngugrindin
• Hæðarstilling með gaspumpu
• Hægt að nota í sturtu
• Fyrir heimili og stofnanir
Stiegelmeyer hjúkrunarrúmin
• Vönduð rúm fyrir heimili og stofnanir
• Fjórskiptur rafdrifinn leguflötur
• Fjölbreytt úrval – hagstætt verð
Vandaðar vörur fyrir heilbrigðisstofnanir og heimili
Þjónusta er byggir á þekkingu og gæðum