Félagsbréf - 01.12.1959, Side 21

FÉLAGSBRÉí1
19
en verk hans öll, þau sem bundin eru og tíðfest í prentuðu máli. Fyrir hverja
eina hendingu, sem hann kvað af snilld, sagði hann tíu jafngildar eða
betri í rabbi við kunningja og félaga. Skáldið Magnús Ásgeirsson allt sjá
þeir einir, sem voru viðræðufélagar hans, vinir og drykkjubræður. Eitthvað
af þessu — eða helzt allt, höfðu verið með honum á útigangi hrakhólanna
og setið með honum við rausnarborð gleðinnar — og verið samferða-
menn hans og samaldrar á þeim dularfullu krókaleiðum mannlegrar
reynslu, sem þar liggja á milli. Hann var alveg laus við það að vera einn
af Guðs þægustu börnum. En hann var maður, sem unnt var að fyrirgefa
mikið og unna heitt.