Morgunblaðið - 23.01.2016, Síða 25

FRÉTTIR 25Viðskipti | Atvinnulíf
MORGUNBLAÐIÐ LAUGARDAGUR 23. JANÚAR 2016
„Það er ekki hægt að mismuna hlut-
höfum og borga til eigenda arð í til-
teknum hluthafaflokki út á eitthvað
sem er í grunninn vinnuframlag.
Þetta er niðurstaðan í nýlegu bind-
andi áliti ríkis-
skattstjóra,“ seg-
ir Friðgeir
Sigurðsson, for-
stjóri PwC, en
hann hélt erindi á
skattadegi
Félags löggiltra
endurskoðenda á
Grand Hóteli
Reykjavík í gær.
Í samtali við Frið-
geir kemur fram
að samkvæmt niðurstöðum úrskurð-
araðila, hvort sem það hafa verið
dómstólar eða yfirskattanefnd, hafi
verið tekin af öll tvímæli varðandi
hin ýmsu form af úttektum úr fé-
lögum sem uppfylla ekki formleg
skilyrði hlutafélagalaganna um
hvernig hluthöfum er heimilt að taka
fjármuni út úr félögum. „Allt sem á
einhvern máta uppfyllir ekki stífustu
formskilyrði fyrir að vera arður eða
lækkun hlutafjár er í raun flokkað
sem ólögmæt útlutun og skattlagt
fullum fetum hjá hluthöfunum.“
Hann segir að þetta bindandi álit
ríkisskattstjóra taki af öll tvímæli
varðandi það álitaefni hvort félögum
sé heimilt að ráðstafa tilteknum
hluta af hagnaði fyrirtækisins til eig-
enda í ákveðnum hlutaflokki og mis-
muna hluthöfum þannig að þeir fái
ekki jafnmikið greitt miðað við eign-
arhlut heldur séu aðrir þættir lagðir
til grundvallar. „Þarna er um að
ræða félög sérfræðinga, eins og lög-
manna, endurskoðenda, verkfræð-
inga, og fleiri fyrirtæki þar sem hlut-
hafar eru starfandi hjá viðkomandi
fyrirtæki. Þá hafa einhver fjármála-
fyrirtæki líka verið að skoða álíka
fyrirkomulag, jafnvel þannig að sér-
stakur hlutaflokkur sé fyrir einstök
svið eða deildir og arður í þeim flokki
ráðist af hagnaði viðkomandi sviðs
eða deildar.“
Friðgeir segir að um afdráttar-
lausa afstöðu ríkisskattstjóra sé að
ræða. „Það er litið á þetta sem eitt
form til að umbuna mönnum fyrir
störf fyrir félagið og þar með er það
ekki tengt eignarhlutanum heldur er
það fyrir vinnuframlag sem beri að
skattleggja sem laun. Þetta snýst í
raun um hvenær arður er arður og í
þessu áliti er þessu svarað á afdrátt-
arlausari máta en áður hefur verið
gert af hálfu skattyfirvalda.“
Friðgeir segir úrskurðinn geta
haft mikil áhrif á mörg sérfræðinga-
fyrirtæki. „Menn telja sig vita að það
séu mjög mörg fyrirtæki þar sem
eru sérfræðingar að störfum þar
sem þetta fyrirkomulag er á ein-
hvern máta við lýði. Þar sem allir eru
jafnir að einhverju marki en síðan er
verið að umbuna mönnum í gegnum
eignarhlut. Ég veit ekki í hve mikl-
um mæli, en það er nokkuð um þetta.
Eflaust eru nokkuð margir sem
þurfa að endurskoða þá framkvæmd
hjá sér í ljósi þessa bindandi álits,“
segir Friðgeir. margret@mbl.is
Morgunblaðið/Styrmir Kári
Skattar Það voru fjölmargir sem hlýddu á erindin á skattadegi Félags lög-
giltra endurskoðenda sem fram fór á Grand Hótel Reykjavík í gær.
Arður í formi
vinnuframlags
ekki leyfilegur
 Arðgreiðslur fylgi ýtrustu skilyrðum
Friðgeir
Sigurðsson
Fjármálaráðuneytið hefur tilkynnt
að verið sé að vinna að undirbún-
ingi útboðs Stjórnarráðsins á far-
miðakaupum sem auglýst verður í
febrúar næstkomandi. Í framhald-
inu eru áform um að nýskipuð verk-
efnisstjórn um nýjar áherslur í
opinberum innkaupum vinni að
sambærilegri útfærslu fyrir stofn-
anir ríkisins.
Félag atvinnurekenda hefur
ítrekað sent fyrirspurn til ráðu-
neytisins um hvað útboðunum líði.
„Við fögnum því að fá loksins ein-
hver viðbrögð úr ráðuneytinu. Það
er fagnaðarefni að hreyfing sé að
komast á málið eftir meira en
þriggja ára brot ríkisins á lögum
um opinber innkaup,“ segir Ólafur
Stephensen, framkvæmdastjóri FA.
Í tilkynningu ráðuneytisins kem-
ur fram að útboð á farmiðakaupum
eigi að ná markmiðum um hag-
kvæmustu innkaup, en hafður verði
að leiðarljósi kostnaður sem fellur
til vegna þátta á borð við flug, gist-
ingu, uppihald á ferðalögum og
tímasetningar tengiflugs.
Útboð á flugmiðum í febrúar
Morgunblaðið/Sverrir
Flug Útboð á farmiðakaupum Stjórnarráðsins verður auglýst í febrúar og í
framhaldinu á að vinna að sambærilegri útfærslu annarra ríkisstofnana.
 FA fagnar því
að hreyfing er
komin á málið
94.900
Verð
119.900
Verð
69.900
Ný vara
Veggskápur USG
Upphengdur læsanlegur verkfæraskápur með
rennihurð, læsanlegur. Kjörinn fyrir geymslu á
verkfærum. Stærð: 1375x714x145
USG F1Z600
69.900
Ný vara
Vinnuborð
Traust vinnuborð frá USG.
Sterkur járn rammi.
Stærð: 1500x780x830mm
USG F1Z200
Síðumúla 11・568 6899・www.vfs.is
Verkfæraskápur 188 verkfæri
7 skúffur – 1/4", 3/8“ & 1/2" topplyklasett
Splittatangir, skrúfjárn, fastirlyklar, tangir,
skralllyklar, meitlar, sexkantar, rennimál, þjalir.
USG FIRP7B
Verkfæraskápur 172 verkfæri
7 skúffur með frauðbökkum. 1/4",
3/8“ & 1/2" topplyklasett. Splittatangir,
skrúfjárn, fastirlyklar, tangir, skralllyklar,
skiptilykill, meitlar, sexkantar, rennimál, þjalir.
USG FIRP7B-FOAM
Laugavegi 7, 101 Reykjavík - Sími: 551-3033
Flottir í fötum
ÚTSALAN
í fullum gangi
30-50% afsláttur