Morgunblaðið - 23.01.2016, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 23. JANÚAR 2016
GOLF í vor
Flugsæti til og frá ALICANTE
Verð frá64.900 kr.*
og 12.500 Vildarpunktar
á mann m.v flug til og frá Alicante.
29.mars, 5.apríl og 12.apríl
*Verð án Vildarpunkta 74.900 kr. Flogið með Icelandair
Ein taska og golfsett
innifalið í verði.
VITA | Skógarhlíð 12 | Sími 570 4444 | VITA.IS
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Laufey Rún Ketilsdóttir
laufey@mbl.is
Heilsumiðstöðin/Sinnum, sem rekur
Sjúkrahótelið í Ármúla, hefur sagt
upp samningi sínum við Sjúkratrygg-
ingar Íslands (SÍ) um gistingu og
hótelþjónustu. Uppsagnafresturinn
er þrír mánuðir og því verður dyrum
hótelsins lokað 1. maí.
Í uppsagnarbréfi sem Heilsumið-
stöðin sendi Steingrími Ara Arasyni,
forstjóra Sjúkratrygginga Íslands, í
gær kemur fram að það hryggi for-
svarsmenn að starfsemin hafi orðið
að bitbeini á milli opinberra aðila.
Ekki í þágu sjúklinganna
Vonast sé til að SÍ og Landspít-
alinn í samvinnu við velferðarráðu-
neyti finni lausnir til lengri tíma sem
skapi sátt og gagnist sem best þeim
mikla fjölda einstaklinga sem á þess-
ari þjónustu þurfa að halda.
„Maður er auðvitað sleginn yfir
þessu og sannarlega er þetta ekki
niðurstaða sem er í þágu sjúkling-
anna eða sjúkratryggðra en um leið
kemur þetta ekki á óvart miðað við
það sem á undan er gengið,“ segir
Steingrímur Ari um uppsögn samn-
ingsins en hann sé ríkinu afar hag-
stæður. „Ef tryggja á sambærilega
þjónustu í ljósi þeirrar stöðu sem nú
er uppi þá verður það væntanlega
ekki gert nema með hækkun fjár-
veitingar,“ segir hann.
Skiptar skoðanir eru á eðli og hlut-
verki Sjúkrahótelsins sem nú starfar
eftir samningi við SÍ en þar er starf-
semin skilgreind. Kveður samning-
urinn á um hótelgistingu og fullt
fæði fyrir einstaklinga sem færir eru
um athafnir daglegs lífs.
Landspítalinn, sem ber ábyrgð á
rekstri hjúkrunarþjónustu á Sjúkra-
hótelinu samkvæmt samningi við SÍ,
gerir hins vegar aðrar kröfur. Hann
vill að þar geti gist einstaklingar sem
þurfi langtum meiri þjónustu en gert
er ráð fyrir að veitt sé á Sjúkrahót-
elinu.
„Mér þótti það ómaklegt“
„Samkvæmt samningi á ekki að
vísa einstaklingum á hótelið nema
þeir séu færir um athafnir daglegs
lífs en það er eitt af því sem komið
hefur upp vegna erfiðleika í rekstri
spítalans. Sjúklingar hafa verið
sendir á hótelið sem ekki hafa átt
þangað erindi og ekki eru færir um
athafnir daglegs lífs,“ segir Stein-
grímur Ari jafnframt.
Stjórnendur Landspítalans hafa
ítrekað komið fram í fjölmiðlum og
gagnrýnt Sjúkrahótelið fyrir að
veita ekki þá þjónustu sem spítalinn
hefur væntingar um. „En er í raun
allt annað en okkur hefur verið ætlað
að sinna samkvæmt samningum,“
segir í uppsagnarbréfinu.
Steingrímur Ari segir að ekki hafi
farið á milli mála að ágreiningur um
útfærsluna á þjónustunni bitnaði á
rekstraraðila hótelsins. „Mér þótti
það ómaklegt.“
Stefnumörkun ríkisins óbreytt
„Það eru okkur mikil vonbrigði að
ekki hafi tekist að finna betri sam-
starfsflöt með Landspítalanum, sem
er sú stofnun sem einna mikilvægast
er að við stígum í takti við,“ segir í
uppsagnabréfinu en meiðandi yfir-
lýsingar spítalans í fjölmiðlum um
öryggi og aðbúnað gesta hafa ítrek-
að komið forsvarsmönnum Heilsu-
miðstöðvarinnar í opna skjöldu.
„Óhjákvæmilega grafa þær undan
þeirri þjónustu sem Sjúkrahótelinu
er ætlað að veita.“
Kristján Þór Júlíusson heilbrigð-
isráðherra sagði málið koma á
óvart. „Þetta er eitthvað sem ráðu-
neytið þarf að fara yfir með Land-
spítalanum og Sjúkratryggingum
Íslands.“ Stefnumörkun ríkis-
stjórnarinnar sé sú að sjúklingum
sé tryggður aðgangur að þjónustu
sem þessari og það hafi ekki breyst.
Ekki náðist í forsvarsmenn
Landspítalans við vinnslu fréttar-
innar.
Sjúkrahótelið í Ármúla segir upp
 Heilsumiðstöðin segir upp samningi um sjúkrahótel við Sjúkratryggingar Íslands  Urðu að bitbeini
milli stofnana  Landspítalinn gagnrýni hótelið ómaklega  „Sleginn yfir þessu,“ segir forstjóri SÍ
Helgi Bjarnason
helgi@mbl.is
„Hún er mjög góð, miðað við okkar
bú,“ segir Ólöf Samúelsdóttir, bóndi
í Hvammi á Barðaströnd. Í fjósinu
hjá henni og Valgeiri Jóhanni Dav-
íðssyni stendur kýrin Milla sem er
afurðahæsta kýr landsins á síðasta
ári.
Milla skilaði 12.511 kg mjólkur í
fyrra, samkvæmt niðurstöðum
skýrsluhalds nautgriparæktarfélag-
anna. Er hún með örfáum kílóum
meiri mjólk en metkýrin Urður á
Hvanneyri sem í mörg ár hefur ver-
ið með afurðamestu kúm landsins.
Raunar voru fjórar kýr nokkuð jafn-
ar á toppnum.
„Það er ánægjulegt að heyra,“
sagði Ólöf þegar hún heyrði tíð-
indin.
Milla er fædd í ágúst 2005 og ætti
því að vera komin á efri ár, af mjólk-
urkú að vera. Hún skilaði 6.000 lítr-
um á fyrsta mjaltaskeiðinu sem telst
gott hjá kvígu og síðan hefur verið
góð stígandi í afurðum. Hún bar
sjötta kálfinum í nóvember 2014 og
á mjaltaskeiðinu hefur hún mjólkað
13.842 lítra, samkvæmt tölvunni hjá
Ólöfu. Í skýrsluhaldinu er miðað við
almanaksárið. Hún fór oft í 50 lítra á
dag, þótt meðaltalið sé lægra og enn
skilar hún um 20 lítrum á dag. „Við
ætlum að halda henni áfram. Milla
hefur alla tíð verið hraust og aldrei
neitt vesen með hana. Hún er ákaf-
lega geðgóð,“ segir Ólöf.
Í fjósinu er önnur kýr, efnileg.
„Hún er að sýna svipaða takta og
Milla. Hún var nærri dauð en við
þrjóskuðumst við. Svo bar hún tví-
burakálfum og hefur aldrei verið
sprækari. Nú er hún að verðlauna
okkur fyrir lífgjöfina,“ segir Ólöf.
„Ég er skíthrædd. Það er víða ver-
ið að byggja stór bú. Ef kvótinn
verður felldur niður má reikna með
að stóru búin geti framleitt ódýrara
og litlu búin verði undir. Ég veit
ekkert um framtíðina í búskapnum,“
segir bóndinn í Hvammi. »12
Aldrei neitt vesen með hana
Ljósmynd/Ólöf Samúelsdóttir
Metkýr Kýrin Milla í Hvammi er
mikill gæðagripur. Hún er kolótt á
lit, svört með rauð hár á hausi og
aftur eftir hrygg.
 Afurðahæsta kýr-
in er á Barðaströnd
Votviðrið verður áfram við völd um helgina.
Rigning og skúrir blasa við ásamt allsnörpum
vindi. Miklu úrhelli er spáð í fyrramálið og gott
að gera viðeigandi ráðstafanir. Hettan þarf að
vera áfram á úlpunni yfir húfunni því helgar-
veðrið er allt annað en skemmtilegt.
Morgunblaðið/Styrmir Kári
Helgarveðrið allt annað en skemmtilegt
Spáð er hvössu og blautu veðri um helgina víða um landið
Lögreglustjórinn í Reykjavík,
Sigríður Björk Guðjónsdóttir,
hefur ákveðið að færa Aldísi
Hilmarsdóttur, aðstoðaryfirlög-
regluþjón og yfirmann fíkniefna-
lögreglunnar, til í starfi.
Þetta tilkynnti Sigríður Björk
Aldísi í gær og jafnframt starfs-
mönnum embættisins.
Staðfestir hún jafnframt að
Runólfur Þórhallsson, aðalvarð-
stjóri í sérsveit lögreglustjóra,
muni taka við embætti yfirmanns
fíkniefnadeildar af Aldísi.
Vísar Sigríður í lög um rétt-
indi og skyldur starfsmanna rík-
isins, spurð um ástæður flutn-
ingsins, en þar segir að
starfsmanni sé skylt að hlíta
breytingum á störfum sínum og
verksviði.
Sigríður
færir Aldísi
til í starfi
Aldís
Hilmarsdóttir
Sigríður Björk
Guðjónsdóttir
 Runólfur tekur við