Morgunblaðið - 23.01.2016, Side 50

50 ÍSLENDINGAR
MORGUNBLAÐIÐ LAUGARDAGUR 23. JANÚAR 2016
AUKIN ÞJÓNUSTA
VIÐ EIGENDUR VW
• Bílson er sérhæft og vottað þjónustuverkstæði sem
uppfyllir allar ströngustu kröfur Volkswagen.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
Henrik Danielsen,stórmeistari ískák, er fimm-
tugur í dag. Hann er frá
eyjunni Falster sem er
fyrir sunnan Sjáland í
Danmörku, en gerðist ís-
lenskur ríkisborgari árið
2005. Henrik varð Ís-
landsmeistari árið 2009
og hefur margoft teflt
fyrir Íslands hönd.
Henrik hefur lengi búið
á Patreksfirði. „Ég elska
náttúruna og finnst gott
að búa á friðsælum stað.
Ég veit að mörgum finnst
sérstakt að ég eigi heima
hér og einangrandi en þetta er lítið mál þegar maður er með tölvu. Ég
hef búið í Kaupmannahöfn og fleiri borgum og er búinn að fá nóg af
því. Sem skákmaður ferðast ég líka oft og kemst því í stórborgarlífið
alltaf öðru hverju, svo ég er ekki að missa af neinu.“
Næsta mót framundan hjá Henrik er Opna Reykjavíkurskákmótið
og svo fékk hann boð um að keppa í Danmörku á Copenhagen Chess
Challenge. Hann stefnir einnig á að keppa á heimsmeistaramóti 50
ára og eldri.
Henrik er trúlofaður Áróru Hrönn Skúladóttur, grunnskólakenn-
ara á Patreksfirði. „Sonur hennar, Hilmir Freyr Heimisson, 14 ára, er
mjög efnilegur skákmaður. Svo á ég dóttur sem heitir Pernille og er
nemi í sjúkraþjálfun í Óðinsvéum.“
Henrik hefur skrifað margt um skák og einnig gefið út myndbönd.
„Ég er að klára mína aðra bók um Polar Bear System sem er byrj-
anakerfi sem ég hef verið að þróa og er orðið vinsælt, sérstaklega í
Bandaríkjunum. Bókin er rafræn og verður fáanleg á Amazon og á
Forward Chess og kostnaðurinn er því ekki mikill fyrir kaupendur.
Hægt er að fylgjast með á www.polarbearsystem.com. Svo kenni ég
skák hér í hverri viku og á næstunni er skákkeppni milli nemenda í
Tálknafjarðarskóla og Patreksskóla í tengslum við íslenska skákdag-
inn sem er haldinn 26. janúar ár hvert til heiðurs Friðriki Ólafssyni.
Fyrir utan skákina fylgist ég mikið með fréttum, ástandinu í Mið-
Austurlöndum og reyni að kafa dýpra á netinu en það sem við fáum í
hefðbundnum fjölmiðlum. Ég er mikill náttúruunnandi eins og áður
sagði og vann t.d. sem leiðsögumaður þegar ég bjó í Danmörku.
Í tilefni afmælisins ætlum við að elda okkur góðan mat og fá okkur
dýrindis vín. Vinir mínir, fjölskylda, dóttir og hinir fóstursynir mínir
verða ekki hjá okkur en ég verð í sambandi við þau á Skype.“
Parið á Patró Áróra og Henrik.
Náttúruunnandi
og grúskari
Henrik Danielsen er fimmtugur í dag
H
araldur fæddist á
Akranesi 23.1. 1966
og ólst upp á bænum
Vestri-Reyni. Hann
var í Heiðarskóla og
lauk framhaldsskólaprófi frá
Bændaskólanum á Hvanneyri.
Haraldur var starfsmaður á
skólabúi Bændaskólans og hjá
Rannsóknastofnun landbúnaðarins –
Bútæknideild, og sinnti stunda-
kennslu við sama skóla.
Haraldur sinnti bústörfum á
Vestri-Reyni frá 1989 og hefur verið
bóndi þar frá 1995. Hann var for-
maður Búnaðarsamtaka Vestur-
lands 2002-2005 og starfandi for-
maður Bændasamtaka Íslands 2004-
2013, sat á Búnaðarþingi 2001-2015
og var kjörinn á alþingi í Norður-
landskjördæmi vestra fyrir Sjálf-
stæðisflokkinn árið 2013.
Haraldur starfaði með Leikfélag-
inu sunnan Skarðsheiðar og tók þátt
í nokkrum uppfærslum.
„Ég er fjórði ættliðurinn sem sit
jörðina Reyni og segi stundum að
það sé hluti af mér að fást við rækt-
un og búskap – tilgangur lífsins.
Ég hef alltaf sömu ánægju af því
að hirða skepnur, fást við heyskap
og önnur búverk. En nú rekur eig-
inkonan búið og við höfum góða
starfsmenn, enda lítið hægt að
treysta á bóndann þessi árin.
Búskapurinn gengur vel enda er
eiginkonan fædd og uppalinn í sveit
og tók sitt háskólanám í búvísindum.
Án hennar væri búskapur okkar
Haraldur Benediktsson alþingismaður – 50 ára
Fjölskyldan Haraldur og Lilja Guðrún með Eyþóri, Guðbjörgu og Benediktu. Akrafjall í allri sinni tign í baksýn.
Fyrst og fremst bóndi
Alþingismaðurinn Haraldur ætlaði víst aldrei út í bænda- eða landspólitík.
Ljósmynd/Ágústa Friðriksdóttir
Dalvík Sæþór Ísaksson fæddist 24.
janúar 2015. Hann vó 3.886 g og var
52 cm langur. Foreldrar hans eru Júl-
íana Kristjánsdóttir og Ísak
Einarsson.
Laxárvirkjun 4 Leifur Hrannarsson
fæddist 24. janúar 2015 kl. 6.24. Hann
vó 3.854 g og var 51,5 cm langur. For-
eldrar hans eru Eygló Sófusdóttir og
Hrannar Gylfason.
Nýir borgarar
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is