Tímarit hjúkrunarfræðinga - 01.05.2001, Blaðsíða 32

'l<ÍÁ<$skt{lÆA \CJi í Kaupmannahöfn
Undirbúningur 22. ráðstefnu alþjóðasamtaka hjúkrunar-
fræðinga, ICN, sem er haldin á fjögurra ára fresti og verður
að þessu sinni í Kaupmannahöfn í júní er í fullum gangi að
sögn Kirsten Stallknecht forseta samtakanna, sem félög
hjúkrunarfræðinga frá 121 landi eiga aðild að. Á fundi sem
haldinn var með ritstjórum hjúkrunartímarita í Evrópu sagði
Kirsten frá fimm aðalræðumönnum ráðstefnunnar en þau
eru, Jane Fonda, hin þekkta bandaríska leikkona sem
hlotið hefur ótal verðlaun og viðurkenningar fyrir leik sinn,
m.a. tvisvar Óskarsverðlaun, fyrir leik sinn í „Klute" og í
„Coming home“. Jane Fonda mun sýna mynd sína
„Generation 2000: The realities of Girls' Lives“ þann 13.
júni, en hún hefur á síðustu árum barist fyrir mannrétt-
indum og bættum kjörum kvenna og stúlkna. Bertrand
Piccard, svissneski flugstjóri fyrsta og eina flugs í loftbelg
umhverfis hnöttinn mun segja frá því þann 14. júní hvernig
sýn hans varð að veruleika í þessu langa flugi. Sheila Tlou,
sem er ein af forystukonum í hjúkrun og heilbrigðismálum í
Afríku, mun flytja fyrirlestur til minningar um Virginiu
Flenderson þann 12. júní. Hún mun einnig ræða um áhrif
alþjóðavæðingar í hjúkrun og hvernig hjúkrunarfræðingar
geta aukið áhrif sín og eflt heilbrigðiskerfið. Alan Maynard,
hagfræðiprófessor frá Bandaríkjunum fjallar um heilbrigðis-
starfsfólk á 21. öldinni og David Hartridge mun tala um
alþjóðlegar samþykktir varðandi vinnuafl og áhrif þeirra á
heilbrigðisþjónustuna.
Á ráðstefnunni verða umræðufundir um mannauðinn,
framboð og eftirspurn á alþjóðamarkaði, það að hafa áhrif
á heilbrigðisstefnu, nýr vettvangur innan hjúkrunar og
málefni stjórnvalda í samtökum hjúkrunarfræðinga. Kirsten
sagði frá gildum ICN, sem eru m.a. að bæta heilsufar í
heiminum með því að miðla þeirri þekkingu sem hjúkr-
unarfræðingar hafa yfir að ráða til að bæta heilsuna og
reyna að draga úr þáttum sem valda sjúkdómum, svo
sem fátækt og mengun. ICN leggur einnig áherslu á að
aukin vísindi og tækni þjóni hjúkruninni og mæti þeim
andlegu og tilfinningalegu kröfum sem gerðar eru til
gæðahjúkrunar. Alþjóðasamtökin leggja einnig áherslu á
að efla menntun hjúkrunarfræðinga um allan heim. Æðsta
markmiðið er að með aukinni þekkingu verði í framtíðinni
heilbrigðara fólk í heilbrigðari samfélögum.
Alþjóðasamtökin hafa einnig gert athuganir á ýmsum
þáttum samfélagsmála til að afla upplýsinga, auka skilning
og velja aðferðir til að gera áætlanir um framtíðina. Það
sem einkum er skoðað eru stjórnvöld hinna ýmsu landa,
samfélagsgerðir, heilbrigðismál, aldursamsetning þjóðanna
1 fc,; JF'
^ fer
Kirsten Stallknecht.
o.fl. Þessar athuganir hafa leitt í Ijós að spilling vex í
heiminum, óstöðugleiki stjórnvalda eykst í öllum heims-
álfum, Austurlönd eru að verða áhrifaríkari en Vesturlönd,
sem hafa verið ráðandi mjög lengi, konur þurfa að hafa
vaxandi áhyggjur af aukinni íhaldssemi stjórnvalda og
smáfyrirtæki í eigu kvenna eiga vaxandi fylgi að fagna um
heim allan. í flestum samfélögum heimsins eykst bilið milli
ríkra og fátækra, einkavæðing heldur áfram, og alþjóða-
væðing og markaðshyggja eykst, svo og aukin alþjóðleg
samkeppni og í mörgum löndum er mjög lítill hagvöxtur.
Fjöldi aldraðra eykst um heim allan og WHO spáir að 2020
verði 690 milljónir 65 ára og eldri, þar af 460 milljónir í
þróunarlöndum. Flutningar fólks af ólíkum kynþætti milli
landa, einkum flóttafólk mun halda áfram og aukast.
Náttúruhamfarir munu í auknum mæli hafa áhrif á aldur-
samsetningu þjóða og atvinnulausum mun ekki fækka um
heim allan. Notendur heilbrigðisþjónustunnar verða sífellt
upplýstari, tæknin eykst og líf fólks lengist, heilbrigðis-
vandamái fara vaxandi í þróunarlöndum. Heilbrigðisástand
í þróunarlöndunum heldur áfram að vera mun verra en í
öðrum löndum.
Kirsten Stallknecht sagði að lokum að alþjóðasamtökin
myndu hafa þessi atriði til athugunar og reyna að bregðast
við þeim til að unnt sé að bæta heilsufar um heim allan.
-vkj
112
Tímarit hjúkrunarfræðinga • 2. tbl. 77. árg. 2001