Tímarit hjúkrunarfræðinga - 01.05.2001, Blaðsíða 37

Rannveig Gunnarsdóttir
forstjóri Lyfjastofnunar
Hvernig nýtist nám í stjórnun og
rekstri heilbrigðisþjónustunni?
Að loknu framhaldsnámi í
sjúkrahúslyfjafræði í Bretlandi
hóf ég störf í apóteki Land-
spítalans. Eftir að ég tók við
starfi yfirlyfjafræðings og varð
þar með forstöðumaður apóteks
Landspítaians jukust stjórnunar-
störf mjög hjá mér og enn meir
þegar ég tók við starfi fram-
kvæmdastjóra Lyfjaverslunar
ríkisins. Ég sótti ýmis námskeið m.a. í stjórnun, starfs-
mannahaldi og gæðastjórnun og fékk þá áhuga á að
mennta mig frekar á þessu sviði.
Ég ákvað því að sækja um nám í stjórnun og rekstri í
heilbrigðisþjónustu á vegum Endurmenntunarstofnunar HÍ
og háskólans í Gautaborg í byrjun árs 1998, en það var í
annað skipti sem boðið var upp á það nám. Námið
spannaði þrjár annir og var skipulagt þannig að hægt var
að stunda það með vinnu. Hafði ég mikla ánægju af því
að stunda námið en það kom ýmsum í hópi nemenda á
óvart hversu mikil fræðigrein stjórnun er. Ég get ekki
neitað því að þetta eina og hálfa ár var erfitt því mestallur
tími utan vinnutíma fór í undirbúning og lestur. Námsefnið
var gott og hentaði vel mínu starfi enda hægt að velja
verkefni sem nýttust í vinnunni. Það sem var ef til vill mest
gefandi í náminu var góður og fjölbreyttur hópur nemenda
með mismunandi grunnmenntun, þ.e. sjúkraþjálfun,
hjúkrunarfræði, meinatæknimenntun, lyfjafræði og læknis-
fræði svo eitthvað sé nefnt. Þó flest okkar hefðum starfað
í heilbrigðisþjónustunni komum við samt úr ólíku umhverfi
og má segja að það hafi verið styrkur hópsins. Hópurinn
gerði kröfur til kennara og sköpuðust iðulega skemmti-
iegar umræður sem opnuðu augun fyrir nýjum sjónar-
hornum.
í kjölfar breytinga á lyfjalögum í maí sl. voru Lyfjanefnd
ríkisins og Lyfjaeftirlit ríkisins sameinuð í eina stofnun,
Lyfjastofnun. Samkvæmt lögunum var auglýst staða
forstjóra Lyfjastofnunar og ákvað ég að sækja um hana.
Viðbótarnám mitt í stjórnun og rekstri í heilbrigðisþjónustu
hefur eflaust haft áhrif á að ég var valin til að gegna
embætti forstjóra. Þetta nám hefur án efa gert mig að
hæfari stjórnanda og nýtist mér vel í núverandi starfi.
Athugasemd frá Erlu
Dóris Halldórsdóttur
Athugasemdin varðar grein mína „Konur og stofnun
Landspítalans“ úr desemberblaði Tímarits
hjúkrunarfræðinga.
Mig langar bara til að taka það fram að þegar
íslenskar konur fengu kosningarétt til Alþingis hinn
19. júní árið 1915 var kosningarétturinn
takmarkaður við 40 ára aldur til að byrja með.
Síðan átti aldurstakmarkið að lækka um eitt
aldursár á hverju ári þar til komið væri niður í 25 ára
aldursmark árið 1930. En til þessa kom ekki því að
með sambandslögunum árið 1918 fengu íslenskar
konur, 25 ára og eldri, kosningarétt til jafns á við
karlmenn.
Rannsókna- og
vísindasjóður
hjúkrunarfræðinga
Veita á úr sjóðnum fyrri hluta árs 2001. Tilgangur
sjóðsins er að styrkja hjúkrunarfræðinga til
rannsókna- og vísindastarfa í hjúkrunarfræðum,
verkefna sem unnin eru hér á landi. Styrkveiting
miðast við stuðning á öllum stigum
rannsóknarvinnu. Ekki er veitt úr sjóðnum í
tengslum við nám.
Umsóknarfrestur er til 10. maí 2001 og fást
umsóknareyðublöð á skrifstofu Félags íslenskra
hjúkrunarfræðinga.
Tímarit hjúkrunarfræðinga • 2. tbl. 77. árg. 2001
117