Saga - 2004, Síða 13

fræðinga, og brátt einnig bandaríska og franska. Þetta fékk mig til
að vinna að því að kvennasaga yrði einnig á dagskrá á heimsþing-
um sagnfræðinga. Um tíma var ég leiðtogi norsku deildar Alþjóða-
samtaka sagnfræðinga (International Committee for the Historical Sci-
ences). Síðan fór ég ásamt bandarískum og kanadískum sagnfræð-
ingum að vinna að stofnun Alþjóðasamtaka fyrir rannsóknir í
kvennasögu, IFRWH (International Federation for Research in
Women’s History); samtökin voru stofnuð árið 1987, og samþykkt
árið eftir sem aðilar innan ICHS (International Committee for the
Historical Sciences). Þar með komumst við með efni inn á heimsþing
sagnfræðinga í Madríd árið 1985. Síðan höfum við verið með efni á
hverju heimsþingi. Þar fyrir utan hefur IFRWH haldið sín eigin
þing um kvenna- og kynjasögu á milli heimsþinganna. Árið 1999
var þingið haldið í Melbourne med þátttöku kvenna- og kynjasögu-
fræðinga frá 45 þjóðum! Árið 2003 var þingið haldið í Belfast og
þátttakendur voru yfir 400.
Áhugi minn á alþjóðlegu sjónarhorni leiddi til þess að ég varð
ritstjóri og meðhöfundur að kvennasögu Cappelens-forlagsins,
mannkynssögu sem kom út í þremur bindum árin 1992 og 1993.
Þetta var norsk-danskt verk unnið af tíu sagnfræðingum. Þetta var
mjög áhugavert verkefni en ekki að öllu leyti auðvelt í samningu.
Sérstaklega var erfitt að eiga við sveiflukenndan áhuga bókaútgef-
anda. En vinnan við þetta verkefni fékk mig til að fá áhuga á að
rannsaka nánar hvað var sameiginlegt og hvað ólíkt með stöðu
kynjanna meðal mismunandi menningarheilda. Í samvinnu við
sagnfræðinga sem unnu að heimssögu (global history) hef ég síðan
verið með í því að þróa nokkrar hugmyndir um efnið. En ég vil
helst hafa svolítinn vara á hvað varðar heimssöguna og tala heldur
um þvermenningarlega sagnfræði eða samanburðarsagnfræði.
Það var auðveldara að vinna að norsku kvennasögunni sem ég
ritstýrði með Sølvi Sogner og tók einnig þátt í að semja. Í þessu
verki unnu fimm norskir sagnfræðingar saman að því að skrifa
sögu Noregs út frá kynjasjónarmiði, en hún kom út árið 2000 og var
endurútgefin árið 2001.
Smám saman fór ég að fá meiri áhuga á að rannsaka hvernig
sambandið milli kvenna og karla hefur þróast. Það kom í ljós að
með breyttu hlutverki kvenna, svo sem því að konur fengu ný rétt-
indi, fóru karlmenn að líta á hlutverk sitt öðrum augum. Þess vegna
hef ég einnig síðan í lok níunda áratugarins haft áhuga á sögu karla,
ekki bara til að skilja hvernig þeir brugðust við breyttri stöðu kvenna,
S J Ó N A R H O R N K Y N J A S Ö G U 13
Saga haust 2004 - NOTA 30.11.2004 11:32 Page 13